fbpx
May 06, 2021

Homber a agredi dama den un March na Maria Maai

Share on facebook
Share on Facebook
Share on whatsapp
Share on Whatsapp
0
0
Homber a agredi dama den un march na Maria Maai
Homber a agredi dama den un march na Maria Maai


Dialuna den oranan di merdia habitantenan di Maria Maai a observa un homber tabata agredi un dama formalmente den un Nissan March shinishi y a raporta esaki di biaha na Polis. A despacha patruya di Santa Cruz cu tabata cerca. Na caminda pa e area e patruya a topa cu e March ta core riba un velocidad halto y a sigui su tras dunando e chauffeur señal pa para pero el a nenga.

E chauffeur a drenta Jan Fleming coriendo pa Polis y a perde control dal den cura di un cas y reverse pa despues drenta un otro cura di cas. E oficialnan a baha di biaha bay atende cu e chauffeur. E doño di cas a sali papia cu polis y asina polis a bay over na detene e homber. E dama a declara cu e homber a bay cu su celular pero den e auto e celular no tabata t’ey mas y e homber a indica na Polis cu e no tin e celular mas cu otro palabra el a bente riba caminda.

Polis a rista den e auto pa wak kico ta topa aden y a tuma e auto den beslag. A transporta e homber pa warda di Polis, y e dama tambe a bay warda unda sub fiscal lo atende cu e caso di maltrato aki.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.