fbpx
May 06, 2021

Indice di “Cuminda & servicio di catering” a registra un caida di 0.2% na maart

Share on facebook
Share on Facebook
Share on whatsapp
Share on Whatsapp
0
0
Indice di “Cuminda & servicio di catering” a registra un caida di 0.2% na maart
Indice di “Cuminda & servicio di catering” a registra un caida di 0.2% na maart

Segun resumen di CBS pa luna di maart, e indice di “Cuminda & servicio di catering” a registra un caida di 0.2% na Maart 2021, e di cinco caida consecutivo. E indice di “Cuminda na cas” (-0.3%) a registra un caida, unda cinco (5) di e diesun (11) indicenan di e gruponan di cuminda na cas a baha na Maart 2021.

E indice di “Berdura” a conoce e caida di mas grandi (-4.4%) na Maart 2021. E indicenan di “Fruta” (-0.8%), “Pan y otro productonan di grano” (-0.6%), “Restante productonan pa alimentacion” 0.3% y “Lechi, keshi y webo ” (-0.3%) tambe a registra caida.

E indice di “Batata, yuca y batata dushi” (1.1%) a registra e subida di mas grandi na Maart 2021. Ademas, subidanan di 0.9% y 0.7% a wordo registra den e indicenan di “Azeta y otro productonan traha di vet” y “Bebida no-alcoholico”, respectivamente.

Den e ultimo diesdos (12) lunanan e indice di “Cuminda & servicio di catering” a baha cu 1.4%. E indice di “Cuminda na cas” a conoce un caida di 2.4%. E indice di “Batata, yuca y batata dushi” a baha cu 16.3%, e caida di mas grandi entre e gruponan di cuminda na cas, mientras cu e indice di “Sucu, jam y otro tipo di cos dushi” a subi cu 2.4%, e subida di mas grandi entre e gruponan di cuminda na cas.

E indice di “Cuminda pafo di cas” a subi cu 0.2% na Maart 2021 y a registra un subida di 1.1% den e ultimo diesdos (12) lunanan.

Na Maart 2021, “Cuminda na cas” y “Cuminda pafo di cas” como grupo, tawata tin un caida di prijs di 0.2% compara cu Februari 2021 y hunto tawata tin un influencia di -0.03 ppt riba e CPI, mientras cu e restante bienes y servicio hunto a experencia un subida di prijs di 0.8% y tawata tin un efecto di 0.65 ppt riba e CPI.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.