fbpx
May 06, 2021

Prome Minister Jacobs ta encurasha graduadonan di SMTF pa sigui studia henter nan bida

Share on facebook
Share on Facebook
Share on whatsapp
Share on Whatsapp
0
0
Prome Minister Jacobs ta encurasha graduadonan di SMTF pa sigui studia henter nan bida
Prome Minister Jacobs ta encurasha graduadonan di SMTF pa sigui studia henter nan bida

“The Sint Maarten Training Foundation”  (SMTF) a tene nan ceremonia pa entrega di certificado na mas o menos 200 studiante cu a participa den e curso  “Public Health and Hospitality”. Esaki a tuma luga siman pasa, 29 di april.

A cuminsa cu e cursonan aki despues di horcan Irma y tabata e prome componentenan di “Emergency Income Support and Training Project” EISTP; un di e proyectonan di e Trust Fund bou di implementacion di  e National Recovery Program Bureau (NRPB). E ta ofrece entrenamento na personanan desemplea. Riba un period di tres aña rond di 200 studiante a haci uzo di e oportunidad aki y a ricibi certificacion y reconocimento pa e cursonan den salud publico y hospitalidad.

Den presencia di e Hunta, gerencia y staff di SMTF, Prome Minister Silveria Jacobs a dirigi su mes na e graduadonan, como keynote speaker. E mandatario a pone e enfoke di su discurso riba tres punto di e tema: ‘Employer’s Expectations of new Recruits”.

  1. Prepara pa e funcion nobo mientras ta mira cual ta e expectivanan di bo doño di trabou.
  2. Bay un tiki mas leu di loke nan ta spera di bo y sigura semper cu bo ta den bo miho aspecto – bo actitud ta determina bo exito.
  3. Nunca stop di busca oportunidad pa sigui amplia bo conocemento y mehoracion.

 

Prome Minister Jacobs a bisa e graduadonan: Nos ta awo 4 aña despues di horcan Irma y ainda ta enfrentando e retonan di recuperacion, un reto cu a bira mas grandi cu e pandemia di COVID-19. Sinembargo, e retonan ey ta haci boso logro mas importante pasobra Sint Maarten ta sigui cambia y crece,  e necesidad den nos economia pa boso habilidadnan tambe a crece.”

“E oportunidadnan ey ta increiblemente esencial pa e plan sostenibel a largo plaso di Sint Maarten. P’esey mi kier gradici tur e graduadonan aki awe anochi, y tur otro cu a finalisa e cursonan aki cu exito.” Bo a yuda nos den nos meta pa crea un mercado laboral mas fuerte. Cada un di boso cu por traha riba boso habilidadnan ta crea un mercado laboral mas fuerte. Un mercado laboral mas fuerte ta yuda nos minimalisa e desigualdad economico y cuminsa cura e daño causa den problemanan economico di pasado y di desasternan natural,” el a bisa.

Director di e programa SMTF Sergio Walsarie Wolff tambe a felicita e graduadonan y a papia di transicion. El a bisa nan “mi ta sumamente orguyoso di boso tur, boso a lanta y a participa den e lesnan, siman tras siman. Y awo, cu boso ta den e transicion pa ta bek den e mercado laboral, boso ta “arma”  cu un certificado hopi valioso y conocemento ricibi fo di e docentenan di SMTF.”

Durante e ceremonia, diferente studiante di SMTF a expresa palabra di gradicimento na gerencia y staff di SMTF como tambe a duna palabra di encurashamento na nan compañeronan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.