fbpx
May 06, 2021

Accion di Polis pa actividadnan politico Ta completamente na bentaha di Gobierno demisionario

Share on facebook
Share on Facebook
Share on whatsapp
Share on Whatsapp
0
0
Accion di Polis pa actividadnan politico Ta completamente na bentaha di Gobierno demisionario
Accion di Polis pa actividadnan politico Ta completamente na bentaha di Gobierno demisionario

Si Aruba tin un pandemia, si tin cu cuida otro pa evita cu e pandemia aki escala y bira mas serio y si tur hende mester ta mas cauteloso y mester ta atento n’e Decreto Ministerial cu cual autoridadnan policial ta actuando.

Sinembargo na mes momento tanto autoridadnan policial como e propio Gobierno demisionario tambe tin cu compronde cu e tradicion politico di e isla, ta uno cu simplemente no por wordo poni un banda sin mas, cu of sin pandemia y ta keda na cada partido y cada politico, pa mira con nan mes ta implementa nan seguridad y seguridad di e cas di famia cu nan ta bishita.

No ta for di awor AWEMainta a publica cu Gabinete Wever Croes cu ta demisionario, lo y ta usando e pandemia como un proteccion pa un periodo di gobernacion malisimo y tur dia por mira con Gobierno ta trata di sconde tras di e escudo cu yama pandemia of Covid-19.

Tambe AWEMainta a yega di señala cu den e draaiboek di e campaña aki di principalmente partido MEP, e plan pa saca mas tanto probecho for di e pandemia, ta number uno riba e lista di e partido geel.

Tin cu stroba rivalnan politico mas tanto cu por, tin cu evita cu e mensahe negativo riba Gobierno di MEP, ta yega den casnan di famia rond Aruba, algo cu ta practicamente inevitabel.

Ya caba for di celebracion di Dia di Himno y Bandera caminda un evento di drive thru y drive in na Cas di Partido a converti su mes den un muestra di poder di e partido berde, Gobierno demisionario a busca tur forma pa evita cu e tipo di actividad asina bolbe wordo ripiti.

Algun dia despues di e evento aki, Gobierno usando DVG y e Crisis Team, a dicidi di introduci algun medida nobo, entre cual tabata prohibicion di cualkier actividad di drive thru y drive in, sin cu inicialmente nan a realisa cu esaki lo pone negoshinan di bende cuminda cu tin drive thru, out of business.

A core cambia esaki y a permiti e negoshinan aki sigui duna e servicio di drive thru, pero a dicidi di mantene e medida aki si pa principalmente actividadnan politico, principalmente di partido di oposicion AVP.

Sinembargo presencia di pueblo na Cas di Partido, e anhelo di hopi hende pa papia cu politiconan di partido AVP, ta pone cu ta dificil pa practicamente pone e partido AVP lam y den fin di siman cu ta tras di lomba, un biaha mas por a mira e impacto berde cu tin den varios bario.

A manda Polis pa controla diferente actividad, a trata di para algun y plama hendenan dor di otro, bisando cu esaki ta un Decreto Ministerial cu ta wordo viola, pero na mes momento e propio partido di MEP cu su Gobierno a introduci e Decreto aki, tambe a tene diferente actividad rond di e isla.

Ta mas cu claro cu e intento di usa e pandemia pa trata di minimalisa e influencia politico di partido AVP y otronan, pa sin duda beneficia interesnan politico di partido MEP, lo no duna fruto ya cu tin asina hopi ehempel pa mustra cu tanto Gobierno como otro instancianan den henter e pandemia aki, no tur ora ta sincero cu pueblo.

Tin controlnan cu nunca ta tuma lugar riba centronan nocturno di aliadonan di partido MEP den ultimo tres aña y mey di gobernacion, caminda ora cu Polisnan bay n’e centronan aki, ta wordo avisa cu tur cos ta na ordo y cu nan ta permiti.

Ta sitionan cu tabatin centenares di hende riba otro, den hopi di caso sin mondkapjes, pero a ser permiti pa sigui opera y awor di repente tin cu bisa cu Gobierno demisionario ta trata di influencia e campaña di su rivalnan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.