fbpx
May 06, 2021

Den prome 100 dia AVP lo pone base pa recuperacion economico

Share on facebook
Share on Facebook
Share on whatsapp
Share on Whatsapp
0
-1
Den prome 100 dia AVP lo pone base pa recuperacion economico
Den prome 100 dia AVP lo pone base pa recuperacion economico

Lider di partido AVP, mr. Mike Eman durante di bishitanan na casnan di famia den fin di siman, a segura cu den e prome 100 dianan di gobernacion, lo pone e base pa un recuperacion economico cu tanto tin mester di dje.

Hunto cu tur instancia envolvi, hunto cu tur profesional y gremionan, lo sinta dialoga pa yega na un entendimento concreto con esaki lo tuma lugar y asina mesora trece alivio p’e sector economico.

Na mes momento Mike Eman tambe a mustra c’un Gobierno di AVP lo traha duro pa creacion di mihor empleo, caminda tur hende lo tin un entrada digno, caminda pueblo lo recupera su poder di compra cu el a perde den ultimo tres aña y mey.

Sin duda algo principal di e proximo Gobierno di AVP, lo ta di haci tur esfuerso pa mas pronto posibel, tur salario di trahadornan, lo bolbe bek na 100% cual tambe ta forma base principal di e recuperacion economico.

Mike Eman a mustra cu partido AVP tin un ekipo solido, di hendenan cu hopi experencia, di hobennan cu hopi enturiasmo y  conocemento, p’asina presenta un plan pa rescata Aruba, caminda entre otro lo rescata enseñansa, lo trece seguridad, trankilidad y oportunidad pa maestro- y alumno- y studiantenan.

Un punto esencial den e proceso aki ta sin duda tambe e formacion y educacion na trabou di nos hendenan, p’asina nan por conoce progreso na pida di trabou y nan enfrenta un futuro mas sigur.

Na mes momento e lider di AVP a musra cu su Gobierno lo trece seguridad y sigura un maneho efectivo y tumando pa tur riba tanto tereno social como di salubridad y elimina e presion grandi cu pueblo ta bibando aden den ultimo dia- y añanan.

Otro punto importante di e programa di partido AVP pa rescata Aruba ta cu lo stimula inversion sostenibel den forma balansa cu cuido activo di naturalesa y e herencia cultural.

Mike Eman a mustra cu Gobierno di AVP sin duda lo garantisa trato y oportunidad husto pa tur cu ta biba na Aruba caminda lo duna prioridad y mas atencion tambe na nos hobennan, garantisa asina nan oportunidad pa desaroya nan mes, especialmente den e industria creativo, deportivo y cultural.

Un aspecto cu lider di partido AVP a mustra di ta sumamente importante t’e hecho cu lo garantisa bos di hobennan profesional den e diseño di Aruba su futuro y na mes momento sr. Eman  a mustra cu manera semper, AVP lo ta Defensor di pensionado- y e grandinan.

Como parti importante den e proceso di rescata Aruba di e situacion actual, ta pa re-institui dialogo cu gremionan pa logra participacion amplio den comunidad caminda tambe lo promove continuamente respet, civismo y cooperacion harmonioso den pueblo y pais.

Den proximo dianan AVP lo presenta su lista cu e lo bay eleccion cune, caminda ya caba pueblo a sera conoci cu mayoria di e cambionan y ta solamente e posicion riba lista falta ainda.

Share on facebook
Share on Facebook
Share on whatsapp
Share on Whatsapp
0
-1

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.