fbpx
May 06, 2021

Hoben asesina casi un luna pasa ainda no a wordo dera

Share on facebook
Share on Facebook
Share on whatsapp
Share on Whatsapp
0
0
Hoben asesina casi un luna pasa ainda no a wordo dera
Hoben asesina casi un luna pasa ainda no a wordo dera

Casi un luna pasa riba dialuna 12 di april, autoridadnan policial a wordo avisa di un caso di tirmamento dilanti di un cas na Brazil y ora cu Polisnan a yega n’e sitio, a pidi pa presencia di ambulans mesora.

E victima tabata mustra seriamente herida cu tiro den su cabes y cu hopi urgencia a transporta e hoben aki pa hospital caminda algun ora despues dokter a declara e hoben morto.

Ta trata aki di e hoben di 20 aña Richi Henao Tavarez, kende no a sobrebibi e atentado aki riba su bida y mesora a inicia cu investigacion n’e sitio caminda a duna di conece c’un auto preto lo a bandona e sitio den pura despues di e tiramento.

Cuater dia despues Polisnan a detene e hoben di inicial P.B. di 22 aña y e ta wordo sospecha di lo tin algo di haber cu likidacion di e hoben Richi, pero autoridadnan ta sigui cu e investigacion aki.

Mientrastanto ainda entiero di e e victima no a tuma lugar y for di informacionnan acumula ta bin resulta cu famia di e hoben, no tin fondonan necesario pa cubri gastonan di entiero aki.

E famia ta haya sosten di Departamento Social manera sa t’e caso, pero e suma cu ta haya no ta suficiente pa cubri tur gasto, mientras cu e famia simplemente no tin e forma di yega n’e placa aki pa dera nan difunto.

Mayornan di e hoben ta biba den exterior caminda su tata despues di asesinato di su yiu, a emiti un declaracion caminda el a acusa Minister di Husticia demisionario Andin Bikker, di no kier permiti su persona di bin Aruba pa bin atende cu su yiu cu a wordo asesina.

Minister Bikker mes a desmenti esaki bisando cu no por stroba ningun hende di biaha pa Aruba y den e caso aki sigur cu e declaracion di e tata no ta cuadra cu berdad.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.