fbpx
May 06, 2021

Periodista cu denuncia publico contra Polis y Gobierno

Share on facebook
Share on Facebook
Share on whatsapp
Share on Whatsapp
+1
0
Periodista cu denuncia publico contra Polis y Gobierno
Periodista cu denuncia publico contra Polis y Gobierno

Ayera dia 3 di mei ta un dia masha importante pa libertad di prensa, pronuncia pa Nacionnan Uni.  P’esey riba e dia aki periodista Sharina Henriquez, a haci denuncia publico contra Gobierno y Polis. Mundialmente por mira cu libertad di prensa ta bou di atake den e periodo despues di Covid cu tur medida tuma pa Gobierno. Tur esaki a tuma lugar dilanti di Warda di Polis na Santa Cruz.

E medidanan aki ta proteha, pero di otro banda e ta bay mucho leu. El a bisa cu si no tene cuidou, esaki lo bira di berdad un normal nobo. Libertad di prensa ta un pilar di democracia. “E ta hopi importante cu nos no ta bay acepta actonan contra esaki y esaki ta bira algo normal”, Sharina Henriquez a indica.

For di aña pasa el a entrega un keho pa motibo cu a deten’e ilegalmente y te ainda Polis no a actua riba e keho aki. Henriquez a pidi un afspraak cu Alto Comisario riba e asunto aki p’asina resolve esaki, pero ainda no a haya esey. Ta importante pa resolve esaki, pasobra ta mira den registro internacional di libertad di prensa, esta e press freedom index di Hulanda a baha di 5 pa 6.

Segun e periodista, awor nos ta bou di Costa Rica debi na su detencion. Por a resolve esaki internamente ya cu pa un aña e ta riba e asunto aki. E kier a resolve e asunto aki pa preveni. E ta puntra ken a scucha esaki, pasobra tin 4 partido importante den loke a sosode aña pasa. E partidonan ta Gobierno, Polis, Ministerio Publico y Gobierno di Hulanda.

E dosnan cu a sinta cu su persona y pidi disculpa tabata Ministerio Publico y Gobierno di Hulanda. E kier pa su strafkaart ta limpi y loke nan a haci contra su persona ta algo ilegal di cual e Procurador General a admiti esey. Dia 8 di januari a kita su dato di registro pa loke t’e detencion di aña pasa durante toque de queda. Gobierno Hulandes a sinta cu ne pa motibo cu Parlamentarionan Hulandes ta esnan cu a cuestiona su detencion, pero tambe riba actonan cu ta pasando na Corsou contra libertad di prensa aña pasa.

Esnan cu falta pa sinta cu su persona ta Gobierno di Aruba, cual a cuminsa cu e medidanan y kier hinca cos den cabes cu periodismo no t’asina importante. E toque de queda ta un medida hopi pisa contra libertad di prensa. Durante e denuncia aki, Sharina Henriquez a ser acompaña pa algun colega den prensa.

Share on facebook
Share on Facebook
Share on whatsapp
Share on Whatsapp
+1
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.