fbpx
June 22, 2021

Raket biniendo abou y niun hende sa unda e ta bay cay

Share on facebook
Share on Facebook
Share on whatsapp
Share on Whatsapp
0
0
Raket biniendo abou y niun hende sa unda e ta bay cay
Raket biniendo abou y niun hende sa unda e ta bay cay


Un raket masivo di China por haci un entrada incontrolabel na mundo den e proximo dianan. E ta e mesun tipo di raket cu a cay na West Africa y Oceano Atlantico na mei, 2020, causando daño na un pueblo no habita.

Un raket Long March-5B Y2 cu tin abordo un modulo grandi pa e station espacial Chines Tianhe, a wordo lansa dia 28 di april ultimo for di e sitio di lansamento wenchang Spacecraft.

Segun cientifionan, e raket di 30 meter halto ta zwaai den e orbita abou di mundo y por haci un re-entrada incontrolabel via di atmosfera den e proximo dianan.

Despues di e lansamento y cu el a pega e modulo na e station espacial Chines, e raket lo mester a haci un maniobra pa controla su entrada bek na mundo, pero esey no a sosode.

Radarnan a detecta cue raket ta zwaai door di orbita, entre un altura di 106 y 231 pia riba superficie di mundo y biahando na mas cu 15,840 mph (25,490 km/h).

Dado momento e atmosfera di mundo mes ta ranca e raket y sac’e for di orbita – sinembargo, mirando e velocidad halto y variabel den su altura, ta imposibel pa calcula exactamente unda y ki momento e lo yega na superficie di mundo.

Mayoria di e parti esencial di e raket lo kima den e atmosfera di e planeta. Pero tin chens cu un parti grandi di e resto lo cay na un parti di mundo, sea na tera of lama.

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.