fbpx
May 06, 2021

Tata bou influencia a agredi su pareha dilanti famia

Share on facebook
Share on Facebook
Share on whatsapp
Share on Whatsapp
0
0
Tata bou influencia a agredi su pareha dilanti famia
Tata bou influencia a agredi su pareha dilanti famia


Dialuna anochi alrededor di 10:20 pm polis a presenta cu urgencia na un cas den area di Spaans Lagoenweg p’un problem’i famia cu a bay for di man. Ta un homber abusado a agredi su pareha dilanti famia, un situacion no bunita pa demas miembro di famia. Na yegada di polis e homber tabata basta altera y no a sigui ordo di e defensornan di ley.

Ora a puntr’e pa tene un distancia for di su famia, e no a sigui ordo y a lanta cu polisnan na sitio. Ta tur motibo pa mand’e suela y deten’e mesora. A deten’e na prome instante pa agresion y despues pa no sigui ordo di polis.

Tata bou influencia a agredi su pareha dilanti famia

Tata bou influencia a agredi su pareha dilanti famia Click link pa lesa mas: https://24ora.news/3nINTrL

Posted by 24ora on Monday, May 3, 2021

Segun informacion ricibi, e homber aki tin problema cu alcohol. Na final a deten’e y transport’e pa ward’i polis. Den oranan di atardi ya caba polis mester a atende cu caso di agresion. Manera ta conoci, casonan di agresion a aumenta durante pandemia.

Prome cu mundo henter a bay plat pa motibo di Coronavirus, un di cada tres hende muhe tabata bira victima di violencia den nan bida, segun e seccion dedica di Nacionnan Uni pa promove igualdad di genero y emporamento di e hende muhe. E resultadonan a saca afo cu alrededor di 243 miyon hende muhe entre 15 y 49 aña di edad, a sufri di violencia sexual of fisico di parti di su pareha den e ultimo aña.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.