fbpx
May 06, 2021

Tiro scucha y tres persona deteni na ex Difference

Share on facebook
Share on Facebook
Share on whatsapp
Share on Whatsapp
0
0
Tiro scucha y tres persona deteni na ex Difference
Tiro scucha y tres persona deteni na ex Difference

Diadomingo anochi pasa di 8’or informacion a drenta di un problema na un cas situa na Palm Beach.

Un pelea cu lo tabatin palo envolvi, esey segun e prome informenan.

Na yegada Polisnan a wordo informa dor di algun persona cu e problema lo ta ex Difference, y cu ey nan a scucha tiro. Un hende homber largo aparentemente lo tabata esun cu tabata cu un arma di candela.

Segun informacion e homber aki lo a core bay direccion ex Sasakiweg. Parti patras di e lugar eynan por a scucha papiamento duro, y despues Polis a bay over na detene 3 persona. Dos hende homber y un hende muher.

A pidi refuerso di mas patruya momento cu e situacion a escala.

Tambe a pidi pa transportwagen unda a hiba e dos hombernan warda y e muher a bay den auto di Polis.

Locual Polisnan por a saca afo ta cu e problema na ex Difference lo tin di haci cu un problema den oranan di atardi altura di Blue Residence, e momento ey Polisnan no a topa cu e hendenan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.