fbpx
June 24, 2021

Brasil: Bolsonaro a avisa cu por actua contra restriccionnan pa covid por medio di un decreto

Share on facebook
Share on Facebook
Share on whatsapp
Share on Whatsapp
0
0
Brasil: Bolsonaro a avisa cu por actua contra restriccionnan pa covid por medio di un decreto
Brasil: Bolsonaro a avisa cu por actua contra restriccionnan pa covid por medio di un decreto

(EFE) – Ayera diaranson, e presidente Brasileño Jair Bolsonaro, a bati alarma di cu lo por dicta un decreto pa garantisa na tur ciudadano “libertad” di “traha” y “ bay y bin back” cu ta parcialmente restringi pa medidanan contra Covid-19.

“Ni un hende por ta feliz si no tin libertad”, e mandatario a manifesta den un evento riba telecomunicacion, den e cual a critica back e restriccionnan di movecion di e personanan, cu a wordo flexibilisa pero cu te ainda ta na vigor na hopi ciudad pa via cu e pandemia a mata mas di 410.000 persona na Brasil.

Bolsonaro a referi na e manifestacionnan realisa fin di siman ultimo pa su siguidonan den contra di e medidanan ey y a bisa cu “e pueblo ta bay riba caya” y “ta dispuesto pa duna su bida pa libertad”, un reclamo pa e cual e Gobierno no lo ta indiferente.

“Den cayanan a cuminsa pidi Gobierno un decreto. Y si, e decreto lo wordo cumpli y ningun tribunal no lo por suspende” el a declara referiendo na Corte Supremo, cu a ratifica e autoridad constitucional di gobernadornan y alcalde pa suspende actividadnan pa evita e plamamento di e virus.

“Di na unda a sali esey di duna poder na gobernadornan y alcalde pa hiba nos na miseria, pa horta miyones di trabou, pa no laga hende traha, prohibi misanan”, e gobernante a plantia, y ademas a agrega na su discurso criticanan pa prensa.

“Tin alcalde cu ta pone e hende preso pasobra nan ta na caya, cu ta prohibi pa un famia sali den boto, y e medionan di comunicacion no ta denuncia nada di esey”, el a sostene.

Segun Bolsonaro, “Brasil no por wordo condena na fracaso pasobra un hende a duna algun facultad na gobernadornan y alcalde” pa dicidi cu “trabou ta un crimen”.

E mandatario tambe a aludi un comision di Senado, crea pa presion di oposicion pa investiga posibel omision di Gobierno den e combatimento di pandemia y a insisti cu mester concentra den supuesto casonan di corupcion cu e compra di ekiponan medico denuncia na administracion regional y municipal.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.