fbpx
June 22, 2021

Halto comisario di polis Vanessa Tjon Kock: “Eleccion y entregamento di lista e aña aki ta diferente”

Share on facebook
Share on Facebook
Share on whatsapp
Share on Whatsapp
0
0
Halto comisario di polis Vanessa Tjon Kock: “Eleccion y entregamento di lista e aña aki ta diferente”
Halto comisario di polis Vanessa Tjon Kock: “Eleccion y entregamento di lista e aña aki ta diferente”

Durante un conferencia di prensa di Censo hunto cu miembronan di Crisis Team ayera atardi, halto comisario di Cuerpo Policial di Aruba, Vanessa Tjon Kock a trece dilanti cu mañan diabierna lo tin entregamento di lista e cual tin diferente proceso cu ta bay tuma luga.

Tin e proceso electoral cu ta bou responsabilidad di Censo, un gran parti di eleccion ta cay pa orden publico manera ta conoci, pero e diferencia di e aña aki ta cu Aruba ta den un crisis “e ta increibel con hopi hende no ta realisa esaki, esey ta pone cu mester adapta proceso y bo tin cu sinta hunto pa wak na un manera hopi mas structura pa por yega na un sistema pa mantene e orden” el a sigura.

Polis semper ta keda cu su tarea cu ta orden publico y mañan nan tin cu garantisa siguridad tambe, pero ademas no tin cu lubida cu nan ta bay tin trabou regular cu ta tumando luga rond di Aruba.

Cuerpo di polis a sinta na diferente ocasion cu partidonan politico pa discuti entre otro e forma con nan ta bay haci esey e aña aki y cu nan tambe a haya oportunidad di manera individual pa splica nan strategia cu nan ta bin cune y con nan ta bay adapta esey na un manera hopi mas creativo, teniendo na cuenta e medidanan cu tin stipula den Crisis Team pa Covid-19.

“Mester tuma na cuenta e medidanan existente cu tin na unda ta pone e situacion mas dificil cu ta nifica limitacion no solamente di libertad sino tambe riba cierto actonan”, el a expresa.

“Eleccion e aña aki ta diferente, entregamento di lista e aña aki ta diferente y nos tin cu biba cu e realidad aki”, Tjon Kock a manifesta.

El a haci un apelacion na tur politico cu eleccion e aña aki ta distinto, nan ta pidi pa e disciplina di cada partido politico pa ta consciente di nan actonan y pa ta consciente riba comportacion, el a declara cu e ta compronde cu ta momento di campaña politico pero esey no ta nifica cu lo lubida cu e isla ta den un crisis pa motibo cu tur instancia tin nan responsabilidad y asina mes nan mester cumpli cune.

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.