fbpx
June 22, 2021

A recorda esnan cu a perde nan bida den di Dos Guera Mundial

Share on facebook
Share on Facebook
Share on whatsapp
Share on Whatsapp
0
0
A recorda esnan cu a perde nan bida den di Dos Guera Mundial
A recorda esnan cu a perde nan bida den di Dos Guera Mundial

Riba 4 di mei tradicionalmente ta considera dos minuut di silencio den cuadro di e ceremonia conmemorativo ‘Dodenherdenking’ den henter Reino. Esaki en conmemoracion di tur esnan cu den nomber di Reino Hulandes a perde nan bida of a wordo asesina durante e di Dos Guera Mundial. Tambe ta conmemora esnan cu desde e tempo ey a perde nan bida den conflictonan di guera of den e misionnan pa mantene paz.

Gobernador di Aruba, Alfonso Boekhoudt, na comienso di e anochi aki a asisti n’e ceremonia conmemorativo na Monument Schutterij en Vrijwilligerskorps Aruba. Mescos cu aña pasa e ceremonia a tuma lugar di manera adapta en conexion cu e medidanan vigente contra corona.

Presente e aña aki tabata Coby Henriques, Vice-Presidente di CAMARADA kende a ricibi Gobernador na yegada, Prome Minister Evelyn Wever-Croes, Presidente di Parlamento Juan E. Thijsen, Representante Suplente di Hulanda na Oranjestad, David Abrahams y un unidad di Cuerpo di Marina Real den funcion como warda arma.

(Potret: © Kabinet Gouverneur Aruba)

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.