fbpx
June 22, 2021

Anticipando proceso di eleccion, grupo di ciudadano a protesta pa cu fraude electoral

Share on facebook
Share on Facebook
Share on whatsapp
Share on Whatsapp
0
0
Anticipando proceso di eleccion, grupo di ciudadano a protesta pa cu fraude electoral
Anticipando proceso di eleccion, grupo di ciudadano a protesta pa cu fraude electoral

Durante cu tabatin e bijeenkomst den Parlamento, unda Conseho Electoral a bay pa duna splicacion un biaha mas riba e proceso di votacion, unda lo haci uso di scanner pa scan e stembiljet, partido di pueblo Arubano, AVP  hunto c’un grupo di simpatisante, a tene un accion di protesta riba Plaza Henny Eman. Nan a manifesta e malcontento cu ta reina pa loke ta trata votamento electronico.

Lider di partido AVP, Mike Eman a vocifera su preocupacion  riba e intento di fraude electoral di parti di Gobierno.

Mike Eman a cuminsa na bisa cu ta reina un preocupacion den nos  comunidad, si mira kico ta pasando n’e momentonan aki. “Nos tin un pais cu ta buscando orientacion, nos tin un pais cu ta buscando liderasgo y trankilidad, ta hay’e cu gobernacion cu kier introduci fraude electoral cu machin cu Aruba no ta confia.

Mas aleu, Eman a sigui bisa cu AVP ta tene tur esnan cu ta canando e caminda aki, responsabel. Expertonan di Gobierno a notifica Glenn Thode, Sharin Luydens y Evelyne Wever-Croes, como e culpabelnan pa cana e proceso aki, cu e sistema no ta confiabel.

Partido AVP a entrega Gobernador, un documento oficial, unda cu ta informa Gobernador c’un gobierno demisionario no por haci cambio den e kiesverordering y introduci un cambio asina fundamental den e sistema di votacion na Aruba. Un ley asina nunca por bin na vigor. Kico ta spera nos si introduci un ley asina?, tabata pregunta di Eman. 

Mike Eman a pidi Cuerpo Policial a coopera cu e manifestacion. Dor di e restriccionnan, unda cu no por tin aglomeracion, tog asina mes un cantidad respetabel di ciudadano a presenta riba Plaza Henny Eman pa mustra nan descontento pa cu e ley controversial di votacion aki. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.