fbpx
June 22, 2021

Awendia tin mas oportunidad; lo desaroya mas futbolista femenino na Aruba

Share on facebook
Share on Facebook
Share on whatsapp
Share on Whatsapp
0
0
Awendia tin mas oportunidad; lo desaroya mas futbolista femenino na Aruba
Awendia tin mas oportunidad; lo desaroya mas futbolista femenino na Aruba

Milvienne Henriquez ta coach di RCA Damas y e tambe a participa n’e curso di licencia C cu Arubaanse Voetbal Bond (AVB) a organisa pa entrenadornan. Desde principio e no a sinti su mes intimida pa participa den e curso.

E t’eynan pa siña y ta spera cooperacion. Na diferente ocasion el a expresa di por bira mihor. E ta di pensamento cu e coachnan mester di structura y esaki ta hopi importante den bida tambe, den futbol e no ta menos.

Milvienne Henriquez ta haya cu esaki ta hopi importante y si kier cuminsa desaroya cada hungador, e ta algo hopi bon cu coachnan ta haya e oportunidadnan aki.

Milvienne Henriquez t’eynan cu un meta. Pero como ser femenino e ta dificil den mundo di futbol, e mundo di ser masculino. Pa su persona ta un lastima di t’e unico hende muher, pasobra e ser femenino a tarda pa sigui e curso aki. Tambe cu nan mester a purba un tiki mas. E ta kere cu esaki ta un motivacion.

Un grupo grandi a cuminsa cu D-Licence den futbol femenino y esey ta algo tremendo. “Mi ta motiva nan y mi kier pa nan continua”, el a expresa. E ser femenino tambe tin su lugar den futbol. Ta importante pa desaroya esaki, pero tambe e nivel di ser femenino den futbol general por yega esaki mas liher compara cu e ser masculino. E ta kere cu si desaroya esaki mas liher posibel, ta mihor nan ta bira y yega na un ranking basta halto.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.