fbpx
June 22, 2021

Chris y Richard den incertidumbre: Tension fuerte den e 2 partidonan politico di mas grandi

Share on facebook
Share on Facebook
Share on whatsapp
Share on Whatsapp
0
-1
Chris y Richard den incertidumbre: Tension fuerte den e 2 partidonan politico di mas grandi
Chris y Richard den incertidumbre: Tension fuerte den e 2 partidonan politico di mas grandi


Na menos cu 24 ora leu di entrega di lista electoral pa participacion den eleccion dia 25 di juni proximo, tanto partido AVP y MEP ta confrontando problema den nan seno.

Principalmente e problema ta sinta den 2 candidato di ambos partido, kendanan a sa di sobresali durante e ultimo eleccion. Ta trata aki di Chris Romero pa partido MEP y Richard Arends pa partido AVP. Ambos candidato cu ta relativamente hoben pero cu amplio experticio politico, awe ta haya nan mes ta tuma un decision inespera pa por mantene nan principio.

Segun fuentenan cercano, den caso di Chris Romero e situacion a bira tenso na momento cu e negociacion di number no a bay mucho bon y finalmente e lo a wordo ofreci number 18 riba lista di MEP, algo cu a cay den hopi mal tera cerca su campañadonan cu a dun’e e mandato pa retira inmediatamente for di partido pa loke ta wordo considera como un falta di respet pa nan. Ta argumenta cu Chris Romero semper a demostra lealtad na partido MEP for di su entrada na 2005, y riba tur cos tabata un di e apoyonan principal pa e lider di partido, sra. Evelyn Wever-Croes.

Den caso di Richard Arends e situacion ta diferente pasobra number no ta e problema, pero mas tanto integridad. Segun fuentenan cercano a duna di conoce, Richard Arends a para ariba cu si Benny Sevinger mester bolbe riba lista di AVP e lo no participa den e eleccion aki. Di su banda, lider di AVP lo a bisa cu e no por laga Benny Sevinger cay y como tal e no por cumpli cu Richard Arends su deseo. Locual ta nifica cu Mike Eman lo ta dispuesto pa sacrifica un candidato prominente y politico cu experticio den su materia, contal cu Benny Sevinger keda riba lista di AVP.

Mañan ta bay ta un dia interesante pa e mundo politico di Aruba. Tur duda lo wordo clarifica di ken si y ken no lo participa den e eleccion aki, y masnoticia.com lo tene bo informa na tur momento.

 

Share on facebook
Share on Facebook
Share on whatsapp
Share on Whatsapp
0
-1

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.