fbpx
June 22, 2021

Penshonado ku ta biba na Fransia mester paga belasting riba sèn ku ela gana na Kòrsou

Share on facebook
Share on Facebook
Share on whatsapp
Share on Whatsapp
0
0
Penshonado ku ta biba na Fransia mester paga belasting riba sèn ku ela gana na Kòrsou
Penshonado ku ta biba na Fransia mester paga belasting riba sèn ku ela gana na Kòrsou

WILLEMSTAD – Un homber ku na aña 2016 tabata residente legal na Kòrsou a rabia pisá ora el a haña un aanslag di Inspektor di Belasting riba e uniko entrada di penshun ku e tabatin e aña ei na Kòrsou.

E aña ei e penshonado – tempu ku ‘Penshonado’ tabata masha popular – su entrada tabata eksklusivamente su penshun, pasobra e no tabata mag traha.

Inspektor na Kòrsou a manda kobr’é belasting riba prima riba Penshun di Behes i Seguro Mediko, pero el a haña ku Inspektor no por kobr’é belasting riba penshun.

Sinembargo loke Inspektor di Belasting a hasi ta loke normalmente Belasting ta hasi ku tur hende ku no ta paga belasting riba e suma ku un doño di trabou ta retené for di salario di un empleado i ku despues ta bira su penshun.

E persona ta kuminsa paga belasting despues ku e kuminsa kobra penshun.

Korte di Hustisia Komun a duna e Inspektor tur rason ku tin.

Dia 22 di desember 2019 Inspektor a manda un aanslag a rason di NAf. 16.183 komo prima di AOV/AWW.

E residente tabatin un entrada na penshun di kasi Naf. 10.000 pa luna.

El a apelá, nan a rechasá su apelashon, el a bai den apelashon i finalmente Korte a duna veredikto.

Dia 3 di maart ultimo Korte a tata e kaso kaminda e penshonado mes tabata presente.

Korte a duna Inspektor rason pasobra estando residensiá na Kòrsou e tabata sigurá i e tin ku paga belasting segun nos leinan di Inkomstenbelasting.

Na Korsou Inspektor por kobra belasting riba penshun ku e homber ta haña for di Hulanda.

Ántes no tabata asina, pero na 2014 lei a kambia i sí ta kobra belasting riba plaka di penshun ku un Penshonado haña for di Hulanda.

E Penshonado a reklamá ku Inspektor ta midi ku dos midí, pasobra e no ta apliká e regla aki pa tur hende ku ta Penshonado na Kòrsou of tabata Penshonado.

Ora Korte a puntr’é si e sa di kaso kaminda a faboresé hende ku tal areglo, e no por a bisa nada.

El a menshoná un areglo di belasting ku tabata totalmente diferente.

Tabatin poko fayo chikitu tambe den e prosedura ku e Penshonado i su apoderado a sigi, pero Korte a ignora esakinan.

No tabatin diskushon ku si e Penshonado a apelá na tempu pasobra ela manda un e-mail pa Griffier na tempu. Final dje kaso e desishon a kai ku e Penshonado ku ta biba na Fransia a pèrdè e kaso, pero no mester paga e gastunan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.