fbpx
June 22, 2021

Polis ta pone man duro riba chauffeur di auto ilegal

Share on facebook
Share on Facebook
Share on whatsapp
Share on Whatsapp
+1
0
Polis ta pone man duro riba chauffeur di auto ilegal
Polis ta pone man duro riba chauffeur di auto ilegal


Durante control den oranan di mainta, polis a para un auto pa haci nan control. A bin sali na cla cu e number di auto no tabata cuadra ni tampoco no tabatin ningun documento.

Segun cu tin entendi, no ta prome biaha cu polis a para chauffeur di e auto aki, pero debi na scarsedad di espacio pa pone e auto na warda, no a kit’e den pasado.

Pero mirando cu keto bay e chauffeur aki ta sigui subi caminda, violando ley, a haci cu polis a bisa ta basta.

Pa mas of menos 10:00 am, polis a bay na un adres na Macuarima pa e chauffeur aki, kende a lanta formalmente cu polis. Aki ta caminda cu mester a pidi refuerso, pa asina nan por a logra domina e homber, mand’e tera y boei e.

Pa ora cu e refuerso a yega, ya e agentenan na e sitio a logra controla e situacion. A hinca e cabayero cabes duro aki den patruya y hib’e warda di polis. Aki e lo mester duna cuenta di su insistencia pa sigui core cu un auto indocumenta na subfiscal.

Share on facebook
Share on Facebook
Share on whatsapp
Share on Whatsapp
+1
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.