fbpx
June 22, 2021

Sosten Militar na Conmemoracion di Víctimanan na Aruba, Còrsou y St. Maarten

Share on facebook
Share on Facebook
Share on whatsapp
Share on Whatsapp
0
0
Sosten Militar na Conmemoracion di Víctimanan na Aruba, Còrsou y St. Maarten
Sosten Militar na Conmemoracion di Víctimanan na Aruba, Còrsou y St. Maarten

Tantu na Aruba, Còrsou y St. Maarten, Defensa den Region Caribe a duna un apoyo militar n’e Conmemoracion di Víctimanan cu a tuma lugá. Pa motibo di e limitacionnan rond di Covid-19 e cantidad di presentenan tabata ménos halto cu usualmente.

E Monumento di Víctimanan di Guera Antiano (“Monument voor de Antilliaanse Gevallenen”) riba Adriaan Laclé Boulevard na Oranjestad t’e localidad fiho di recordatorio na Aruba. E monumento aki a keda lantá pa recordá tur e Antianonan cu durante di Dos Guera Mundial a fayecé pa motibo di acontecimentonan di guera.

Riba e plaka tin 129 nòmber di Antianonan kendenan a peresé, durante Segundo Guera Mundial. Tambe na Willemstad, Còrsou y na Kralendijk, Bonaire, tin un monumento cu e mesun plaka.

N’e ceremonia tabatin presente algun dignatario halto, por ehèmpel Gobernador Boekhoudt y Minister Presidènt (demisionario) Wever-Croes. Defensa por a guia e ceremonia conmemorativo na Aruba.

Teniente van Haaren su palabranan: “Mi a considerá un honor pa por a guia e ceremonia conmemorativo na Aruba, hunto cu e Cuerpo di Marinier.  Ta bon pa mira cu no obstante e medidanan di limitacion pa Covid, e conmemoracion di 4 di mei, por a tuma lugar den e parti di Caribe den Reino.”

E destacamento St. Maarten a keda pidí pa forma un cordon di guardianan di honor, na “Captain Hodge Wharf” na Philipsburg. Comandante di e Destacamento, Majoor Noordam: “E Conmemoracion a cana satisfactoriamente. Tabata bunita pa mira cu Gobièrno a duna atencion na un forma apropiá n’esaki. Sigur tumando na cuenta e situacion fastioso den cua nos ta haña nos mes n’e momentonan aki.”

Ademas di Gobernador Holiday y Minister Presidènt Jacobs, tabatin tambe dos alto dignatario presente cu personalmente a experiencia e efectonan di Segundo Guera Mundial.

Na Còrsou, Comandante di Forsanan Naval den Region Caribe, General di Brigada di Infanteria di Marina, Boots, a pone un krans tanto n’e Monumento na Waaigat, como n’e Santana Militar na Otrobanda. Esaki el a haci hunto cu Hefe di Ekipo di Defensa (Chef der Equipage Defensie) den Region Caribe, Azjudant Hijman, na nòmber di Forsanan Arma y Wardakosta den Region Caribe. Azjudant Hijman: “Aña pasa lamentablemente e conmemoracion no por a tuma lugar n’e santana Militar. Awe afortunadamente si.

Ta bon cu esaki por a tuma lugar na ámbos localidad. E Santana Militar porcierto tin 8 graf di Guera.” 

N’e conmemoracion aki tambe tabatin presente alto dignatarionan p.e. Gobernador George Wout y Minister Presidènt (demisionario) Rhuggenaath. Militarnan di ‘Compagnie in de West’ tambe tabata parti di e ceremonia. Nan ta cambia cada 4 luna como ehército (landmachtcompganie) na Còrsou, y pa motibo di esaki tabata un conmemoracion único y special pa por a experienciá.  

Defensa den Region Caribe tambe cu nan propio personal a tene dos minüt di silencio como recuerdo na tur e víctimanan di guera òf esnan cu a fayecé desde cu Segundo Guera Mundial a cuminsá.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.