fbpx
November 30, 2021

‘X Gon’ Give It to Ya’: Album nobo di DMX lo sali dia 28 di mei

Share on facebook
Share on Facebook
Share on whatsapp
Share on Whatsapp
0
0
‘X Gon’ Give It to Ya’: Album nobo di DMX lo sali dia 28 di mei
‘X Gon’ Give It to Ya’: Album nobo di DMX lo sali dia 28 di mei

(AP) — Un album nobo di rapper DMX lo keda lansa e luna aki.

Productor y colaborador di DMX pa hopi tempo, ganador di Grammy, Swizz Beatz, a anuncia ayera cu ‘EXODUS’ lo conta cu material nobo y lo tin su lansamento dia 28 di mei proximo.

“Mi ruman X tabata un di e almanan mas puro y poco comun cu mi a yega di conoce. El a biba su bida dedica na su famia y musica. Mas cu tur e tabata generoso den duna y a stima su fanaticonan sin midi. E album aki, X no por a warda pa su fanaticonan rond mundo scuch’e y mustra con hopi e tabata balora un y cada persona cu a dun’e sosten incondicional”, Swizz Beatz a bisa den un declaracion.

E album posthumo lo ser lansa riba Def Jam, unda DMX a lansa mayoria di su albumnan y a marca historia musical. E prome cinco album di e artista nomina na Grammy tur a debuta na No. 1 riba e Billboard 200 albums chart di tur genero musical. Su hitnan ta inclui ‘Get at Me Dog’, ‘Ruff Ryders’ Anthem’, ‘Party Up (Up in Here)’ y ‘X Gon’ Give It to Ya’.

DMX, kende su nomber legal tabata Earl Simmons, a fayece luna pasa cu edad di 50 aña. Su bida y legado a ser celebra na e Barclays Center na Brooklyn, New York, unda Kanye West, Nas, Busta Rhymes y miembronan di Ruff Ryders collective di DMX – Swizz Beatz, Eve, The Lox – tabata presente y a elogia e rapper.

Su ultimo album, ‘Undisputed’ a keda lansa na 2012.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.