fbpx
January 18, 2022

Fieldlab: Resultado di experimento ta comproba cu por tene evento publico safe

Share on facebook
Share on Facebook
Share on whatsapp
Share on Whatsapp
0
0
Fieldlab: Resultado di experimento ta comproba cu por tene evento publico safe
Fieldlab: Resultado di experimento ta comproba cu por tene evento publico safe

(NLTimes) – Fieldlab a anuncia ayera cu nan tin opinion cu por organisa eventonan publico safe, NOS a reporta. E organisacion a ehecuta un serie di evento piloto den lunanan recien, y a bisa cu a colecta suficiente data pa mustra con por tene evento. Nan a bisa cu awo ta keda na politiconan pa tuma e siguiente stap.

Evento, presentacion y conferencia por wordo organisa di forma safe ora cu cumpli cu un cantidad di medida di seguridad, manager di programa di Fieldlam, Pieter Lubberts a indica. El a argumenta cu algun reunion social por hasta permiti pa elimina reglanan di distancia social. Esakinan ta e asina-yama eventonan tipo 1, cu lo tuma luga paden den un ambiente unda hende ta sinta.

“Nos a mira cu den cierto fase na eventonan unda bo tin menos contacto, manera den un teatro of un partido di futbol, por elimina e regla di 1.5 meter sigur”, el a bisa.

Segun Lubberts, mientras distancia social por no ta necesario na e eventonan aki, toch mester organisa esakinan cu solamente mita di capacidad y cu sistemanan di ventilacion adecua. Esnan presente mester haci test prome y bisti tapaboca ora nan no ta sinta, y moviendo door di e sitio, el a bisa.

Hasta cu e hallazgonan mas recien, e organisacion a insisti cu no ta bisa cu eventonan organisa durante e pandemia lo ta 100% safe. “Nunca nos lo bisa esey pasobra semper lo tin un riesgo cu hende infecta lo bin un evento. Pero nos ta evaluando con pa haci esey lo mas sigur posibel y nos a haya cu por hacie”, Lubberts a bisa.

Fieldlab a agrega cu nan lo continua realisando eventonan test den futuro mientras ta warda un decision di gabinete pa loke ta e futuro di eventonan den varios sector. “Mientras tanto, nos lo continua, pasobra nos ta lucha pa un sector den cual 100mil persona ta traha. Pero tambe pa loke ta e aspecto social, pa hende cu kier bay un caminda atrobe”, Lubberts a agrega.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.