fbpx
January 18, 2022

No lo elimina toque de queda ainda, aunke esey ta poni riba mesa caba

Share on facebook
Share on Facebook
Share on whatsapp
Share on Whatsapp
0
0
No lo elimina toque de queda ainda, aunke esey ta poni riba mesa caba
No lo elimina toque de queda ainda, aunke esey ta poni riba mesa caba

Durante un conferencia di prensa di Gobierno di Aruba, prome minister Evelyn Wever-Croes a wordo treci dilanti e motibo di pakico te ainda e medida di toque de queda ta vigente aunke cu otro orario mas laat.

Prome minister a sigura cu e toque de queda no lo wordo kita ainda aunke esey ta poni riba mesa caba pa motibo cu nan kier bay paso pa paso, den codigo geel ta duna nan e posibilidad ey pa haci’e.

“Nos ta kitando hopi caba, laga nos weita con esaki ta bay, anto e siguiente stap por ta e ora pa kit’e” prome minister a afirma.

Asina mes, el a indica cu e tambe ta preocupa pa loke ta trata e flexibilisacion di medidanan cu loke tin di haber cu campaña politico, “akinan mi tin cu wak como gobernante y como gobierno, un medidanan pisa cu nos tin manera toque de queda of samenscholingsverbod, bo mester semper evalua e circunstancianan prome cu bo aplica nan”, el a bisa.

E casonan pa Covid-19 na e momentonan aki a baha bou di 100 y na hospital e situacion ta “bayendo bon” segun loke el a declara.

Tambe el a informa cu e tin un otro preocupacion pa loke ta trata campaña politico pero esey no ta nifica cu por guia nan decision den e caso di e medidanan aki, esaki ta basa riba e cantidad di casonan, e proyeccionnan “y claro tin un riesgo, e riesgo ta e eleccion y e variante di India cu nos a topa akinan caba, pero eseynan no ta suficiente pa por bisa nos ta keda tene tur hende cera den cas”, prome minister a enfatisa.

Mester tene na cuenta tambe cu durante campaña electoral manera el a menciona tin algun caso di iresponsabilidad, pero si ta keda mantene e reglanan cu tabatin ta keda afecta economia hopi “y esey tambe tin cu pone den balans pa algun hende cu no sa di tene nan mes na regla y otro cu bo ta bay castiga bo sector economico tampoco ta bon”, prome minister a comenta.

Pa finalisa, el a laga un mensahe den cual ta bisa cu e ta confia den e pueblo Arubiano y cu tur hunto a sacrifica hopi pa hunto por enfrenta esaki.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.