ORANJESTAD – Partido politico MAS ta e prome di 8 partido pa logra e cantidad necesario di 587 firma cu ta asina duna e partido status legal pa participa den e proximo eleccion. E ta un hazaña mirando cu e ta porta e partido mas ‘nobo’ cu a forma, y cu un lider mas nobo ainda. E partido enberdad ta existi basta tempo pero e bida nobo cu e partido a haya, den apenas 2 siman ta duna indicacion cu e tabatin aceptacion inicial, por lo menos pa e prome fase di e eleccion. Awor e partido mester logra e votonan necesario dia 25 di juni, pa asina nan haya suficiente asiento pa logra drenta parlamento. Na 2017 tabata partido POR cu a logra e cantidad di voto necesario (menos e tempo ey) durante e prome dia di 8 dia pa acumula firma. E biaha aki ta partido MAS cu ta logra esaki.
