fbpx
January 18, 2022

Presidente Colombiano lo reuni awe cu Comite Nacional di Welga

Share on facebook
Share on Facebook
Share on whatsapp
Share on Whatsapp
0
0
Presidente Colombiano lo reuni awe cu Comite Nacional di Welga
Presidente Colombiano lo reuni awe cu Comite Nacional di Welga

(EFE) – Presidente di Colombia, Ivan Duque, awe lo reuni cu Comite Nacional di Welga, integra pa sindicato- y organisacionnan social cu ta esnan cu a convoca e protestanan di 28 di april y cu te ayera tabata continua.

“Mañan lo cuminsa conversa cu Comite Nacional di Welga”, e presidente a anuncia hunto cu e minister di Trabou, Angel Custodio Cabrera, ken a informa cu ayera nan a ricibi e contesta di e invitacion cu nan a manda dia 6 di mei ultimo.

E reunion lo tuma luga awe den oranan di merdia, tambe ta invita un delegacion di ONU y di Conferencia Episcopal, segun e halto comisionado pa Paz Miguel Ceballos a bisa.

Duque a cuminsa e siman aki cu varios dialogo cu diferente sector pa purba di haya un solucion pa e crisis politico y social habri cu e protestanan. Den e cual decenas di miles di Colombiano a pidi e fin di e reforma tributario cu a wordo retira caba, pero cu a termina den otro peticionnan como e caida di Gobierno, e retiro di un reforma di salud of e fin di e brutalidad policial.

Den reunionnan aki, e presidente a reuni cu gobernantenan regional y municipal, representantenan di sector salud, lidernan religioso of algun hobennan, pero te ainda no por a concretisa un reunion cu sindicato y organisacionnan social cu tabata tras di e welga.

Mas leu di loke lo papia of negocia den e reunion aki, lo tin cu espera e reaccion riba cayanan na unda multitud de hende a marcha y sin un representante visibel, mas leu di un hubentud diverso cu peticionnan diferente.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.