fbpx
January 18, 2022

Suplementonan herbal y dietetico no ta yuda baha peso

Share on facebook
Share on Facebook
Share on whatsapp
Share on Whatsapp
0
-1
Suplementonan herbal y dietetico no ta yuda baha peso
Suplementonan herbal y dietetico no ta yuda baha peso

(TheGuardian) – No tin suficiente evidencia pa hustifica recomenda suplementonan herbal y dietetico pa yuda hende baha peso. Esey ta e opinion enfatico di investigadonan cu ta bay presenta estudionan riba efectividad di suplementonan na e Congreso Europeo riba Obesidad (ECO) cu lo tuma luga e siman aki.

“Maske mayoria di suplemento ta mustra safe pa consumo a corto plaso, nan no ta bay provee perdida di peso cu ta significativo clinicamente”, segun autor lider, Erica Bessell di Universidad di Sydney na Australia.

Suplementonan herbal ta contene planta henter of combinacion di planta, mientras suplementonan dietetico ta contene componentenan singular cu ta sucede naturalmente. Por cumpra esakinan como pildo, puiro y likido y nan a bira cada bes mas popular pa yuda baha peso.

Suplementonan herbal ta inclui te berde, bonchi blanco, ephedra, mango Africano, yerba mate, raiz di liquorice, y otronan.

Pa studia e efectividad di e suplementonan aki y otronan, e investigadornan a haci un revision sistematico di tur estudio anterior den cual a compara e impacto di suplementonan herbal riba perdida di peso cu e impacto di placebo. A analisa data di 54 estudio involucrando 4,331 adulto saludabel, cu sobrepeso y obeso – y a revela cu solamente un agente unico, bonchi blanco, a resulta den un perdida di peso estadisticamente mas grandi cu un placebo.

Den un estudio separa, e grupo a analisa estudionan anterior cu a compara e efecto di placebo cu suplementonan incluyendo chitosan, glucomannan, fructan, acido linoleico conyuga, y otronan. Analisis a haya cu chitosan, glucomannan y acido linolico a resulta den perdida di peso pero no na nivelnan clinicamente significante.

Bessell a bisa cu e suplementonan por parce un solucion rapido pa problema di peso, pero hende mester ta na altura di con tiki nos sa di nan. A haci tiki estudio riba e sumplementonan y tin tiki data riba nan efectividad. “Es mas, hopi estudio ta chikito y mal diseña y hopi di nan no ta reporta riba e composicion di e suplementonan investiga. E crecemento enorme di e industria y popularidad di e productonan aki ta resalta e urgencia pa conduci estudionan mas grandi y riguroso pa por tin siguransa rasonabel di nan seguridad y efectividad pa baha peso.”

Share on facebook
Share on Facebook
Share on whatsapp
Share on Whatsapp
0
-1

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.