fbpx
November 30, 2021

Pelican Nest Seafood Grill ta busca un Executive Chef

Share on facebook
Share on Facebook
Share on whatsapp
Share on Whatsapp
0
0
Pelican Nest Seafood Grill ta busca un Executive Chef, 10 di Mei
Pelican Nest Seafood Grill ta busca un Executive Chef, 10 di Mei


Desde reapartura di Pelican Nest Seafood Grill na Juni 2020 por a nota varios cambio y expansion positivo tanto cu staff y personal pero tambe encuanto e restaurant mes. Pelican Nest Seafood Grill actualmente ta buscando un Executive Chef pa forma parti di e team dinamico, energetico y professional cu ta encarga pa un experencia culinario unico y di calidad.

Manera ta conoci, Pelican Nest Seafood Grill ta situa riba Pelican Pier, y ta consisti di dos area specifico caminda cu e parti culinario sigur ta hunga su rol importante, tanto den e area di bar y e area di restaurant. Pa mantene e calidad continuamente, pero tambe pa eleva e experencia culinario cu nos ta ofrece na nos bishitantenan, nos ta buscando un Executive Chef cu experencia y conocimento amplio pa hiba Pelican Nest Seafood Grill na e siguiente nivel abase di calidad y pa ta aun mas competitivo.

Como Executive Chef di Pelican Nest Seafood Grill, e trabou y responsabilidad ta uno amplio, cu lo tin su retonan, ta exigi bon communicacion, motivacion propio y na e equipo y ta rekeri di ta un trahador cu por funciona na tur momento den equipo. Como Executive Chef, lo tin e responsabilidad di maneha e parti culinario di Pelican Adventures tambe, cu ta opera actividadnan aquatico riba catamaran y/of riba e boto luhoso, Monforte Luxury Cruise.

Como Executive Chef, bo lo ta responsabel pa funcionamento di cushina, entre otro, cumpramento di ingrediente y tur material necesario pa cushina, tur preparacion di e platonan, mantene e calidad segun standards di e restaurant, hygiena y limpiesa, entrenamento di empleadonan abase di metodonan di cushinamento, preparacion di ingrediente y platonan, porcionamento, control di gastonan pero tambe saneamento y limpiesa en general.

Rekesitonan pa cu e funcion di Executive Chef:

  • Exeperencia laboral prueba como Executive Chef.
  • Capacidad pa promove, traha y actua den manera coherente/consistente cu e mission di Pelican Nest Seafood Grill.
  • Por domina e idiomanan Ingles, Spaño y Papiamento. Hulandes como ventaha.
  • Ta fundamental cu e compromiso cu e excelencia den e control di calidad, e gastonan y sanidad.
  • Cu capacidad/abilidad pa lidera y entrena un equipo di empleado abase di metodonan di cushinamento, preparacion y presentacion di platonan, porcion, control di gastonan y sanidad cu limpiesa.
  • Cu capacidad/abilidad pa mantene bo mes al tanto cu e tendencianan culinario y e mihor practicanan.
  • Cu capacidad/abilidad pa resolve problemanan den un manera competente y provinente.
  • Cu capacidad/abilidad pa traha den un equipo.
  • Cu excellente abilidad pa communica, organisa y lidera.
  • Como aplicante bo mester por eherce un funcion legalmente na Aruba.

Pelican Nest Seafood Grill ta ofrece lo siguiente:

  • Un ambiente di trabou agradabel.
  • Un salario competitive.
  • Cu oportunidad grandi pa desaroya bo abilidadnan diariamente individualmente pero tambe den equipo.

Si bo persona por y ta identifica bo mes cu e rekesitonan menciona, porfabor manda nos bo CV incluyendo prueba di bo ultimo empleo y experencia. Pa aplica, por manda nos bo aplicacion por medio di e-mail na: [email protected].

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.