fbpx
November 30, 2021

Na Corsou: Ta bai reduci capasidad di vacunacion atrobe

Share on facebook
Share on Facebook
Share on whatsapp
Share on Whatsapp
0
0
Na Corsou: Ta bai reduci capasidad di vacunacion atrobe
Na Corsou: Ta bai reduci capasidad di vacunacion atrobe
Na Corsou: Ta bai reduci capasidad di vacunacion atrobe
Posted on 05/14/2021 10:33 am AST | Updated on 05/14/2021 10:36 am AST

WILLEMSTAD.- Ta bai redusí e kapasidat di vakuna bèk. E redukshon lo ta konsiderabel. Den e tim di vakunashon ta kanando ku e idea di redukshon aki mirando kon lento e proseso di vakuna ta kanando atrobe, awor ku ta yegando un total di 80 mil persona vakuná.

E kantidat mas grandi di vakuna ku ta bai pasa lo ta konsentrá aworakí riba personanan ku tin ku risibí nan di dos prek. Pero e kantidat di hende ku ta tuma e promé prek ya no ta yega ni 1.000 pa dia mas.

Den e kuadro ak,  a komprondé ku idea ta pa pronto sera SDK komo sentro di vakunashon. Esaki tin alabes di aber ku suavisashon di medidanan.

E suavisashon ta enserá ku por hasi deporte bou di sierto kondishon atrobe. Organisashonnan deportivo ya kaba a manda puntra ki dia por kuminsá hasi uso di e fasilidatnan di SDK, pero te ainda e petishonnan aki ta wantá. Mas aleu ta pensa pa riba término sera sea Sambil òf WTC komo sentro di vakunashon, naturalmente tumando na kuenta ku mester pasa un kantidat grandi di hende nan di dos prek den simannan benidero.

E proyekto piloto di Bibando den Bario tambe ta bou di evaluashon i pronto lo mester disidí si ta amplia e proyekto aki den mas bario pareu i kon por kombiná esaki ku mas i mihó informashon pa abitantenan. Otro posibilidat ta ku ta para e proyekto aki.

Otro proyekto ku e tim di vakunashon ta trahando riba dje ta pa kuminsá vakuná hóbennan entre 16 i 18 aña di edat ku tin sierto kondishonnan médiko. E vakuna preferí ku a identifiká pa e grupo di hóben aki ta esun di Pfizer.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.