fbpx
November 30, 2021

Skirbi pa Pastoor Marcel Balootje: Hoben, bo bida ta bo podium

Share on facebook
Share on Facebook
Share on whatsapp
Share on Whatsapp
0
0
Skirbi pa Pastoor Marcel Balootje: Hoben, bo bida ta bo podium
Skirbi pa Pastoor Marcel Balootje: Hoben, bo bida ta bo podium


Awendia e nomber a cambia tur cos a bira plataforma, pero originalmente e nomber tabata podium of tarima. Esey ta nifica caminda bo ta presenta bo mes y e manera cu bo presenta bo mes asina hende ta mira bo. Mas miho bo hacie, ta mas bon pa bo mes. Ta hopi importante pa bo ta bo mes y no imita otro hende, pasobra Dios a traha bo unico. Riba mundo tin mas cu un biyon di hende y ningun hende su fingerprint no ta mescos cu e otro, asina perfecto Dios su creacion ta.

Awel como mayor nos mester cuminsa splica nos yiunan bon cla kico ta e podium di nan bida.

Na prome luga bo educacion cual ta bini for di cas , bo respet y bo moral, cual ta contene norma y balor di bida, ta esencial pa bo bida.

Bo mester haci bo best pa siña na scol y gradua pasobra cu papel den bo man mes ta dificil pa haya trabou corda sin papel.

Stop di imita hende cu ta siña bo uza droga, y cu tin placa of posicion, pasobra ora bo bira adicto nan no ta duna un man lanta bo for di riba caya.

Un no ta tur cos cu bo ta mira na television of riba internet, ta cosnan cu bo por haci, tin hopi cos cu ta falso (fake news) y cu e celebridad ta haci djis pa fama, y no laga potret gaña bo, pasobra hopi ta uza maniobra.

Dios no ta discrimina ningun hende, Dios no ta un racista, simplemente ora nos ta for di Dios di su boluntad, e enemigo ta pone nos sinti manera nos no ta conta, pero ora nos ta den boluntad di Dios ni maske kico diabel haci e no por mustra dede riba nos.

Sea autentico den tur cos, busca Señor awor cu bo ta jong, pasobra nos tur un dia mester duna cuenta dilanti di Dios, y no kere den e fabula cu si mi mayornan ta biba pa Señor ami tambe lo bay cielo.

Cielo tin un porta so, y eynan tur esunnan cu a acepta y kere den Hesus Cristo ta drenta, asina cuminsa pordona, y stop cu fenomeno di vengansa, odio y reglamento di cuenta.

Bisti decente, cuida bo mes mantene higiena personal, wak pa tur caminda cu bo yega bo haci un bon impresion.

Cuminda hende, pidi despensa, respeta, bo no ta bo so riba e mundo aki, stop di imita rappers, pasobra hopi rappers su fin no tabata masha bunita. Ora bo a nace bo tabata bo so, awel no join den ningun grupo cu ta demostra maldad, pa asina bo haya identidad den maldad.

Awendia tin hopi tipo di gang cu ta simplemente imita grupo nan den exterior cu ta haci maldad, ki dia lo lanta gang di alabansa, gang cu ta haci bario limpi sin cobra, gang di decencia, gang di oracion, pasobra te awe tur ora bo tende nomber di gang ta pa simplemente maldad.

Como mucha muhe wak pa bo ta decente, no bende bo curpa, pasobra mañan ta e mesun curpa ey bo ta keda cu ne, no laga ningun hende uza bo, no rebaha bo mes. Keda limpi, keda puro, mantene bo integridad manera tur hoben mester haci.

Sea sabi, no haya yiu cu hende iresponsabel y haci tur locual cu ta posibel pa bo yega na un matrimonio. Y c’un homber cu ta stima bo, cu ta cuida abo y bo yiu(nan).

Y por ultimo tur na hoben, respeta y honra bo mayornan, bida ta dushi y mas dushi ta ora Cristo Hesus ta den bo bida y bo curason.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.