fbpx
July 30, 2021

Fisioterapistanan preocupa cu nan rol den futuro

Share on facebook
Share on Facebook
Share on whatsapp
Share on Whatsapp
0
0
Fisioterapistanan preocupa cu nan rol den futuro
Fisioterapistanan preocupa cu nan rol den futuro


E profesionalnan di fisioterapia ta preocupa pa loke ta nan futuro. Esaki a wordo expresa door di nan vocero Marlon Maduro.

Nan ta preocupa pa existencia di nan consulta y profesion aki na Aruba, mirando e decision tuma door di Hulanda cu mester corta den gastonan di Salubridad Publico. E trabou di un fisioterapista ta acopla cu e tratamento medico cu a lo largo lo yuda baha e gastonan.

E tratamento di fisioterapia ta mas tanto awo curativo, pero e por ta preventivo tambe. Tratamento no ta masashi so. E por bay den area di siña e pashent ki tipo di ehercicio ta bon pa su estado di salud. Siña con pa anda cu dolornan, cu stress, cu tension, inclusive cu problemanan cardiovascular. Awo por ehempel, ta tratando personanan cu problema di pulmon, pa siña nan con pa haci ehercicio pa nan pulmonnan y con pa e curpa por recupera miho despues di Covid-19.

Hopi di e problemanan di antes cu e pashentnan cu nan ta haya ta pa siña nan bira mas movibel. Mayoria tin trabou di oficina y ta sinta masha ora, cual ta afecta nan salud. Ta siña nan kico tur nan mester haci pa musculonan no tranca. Mas movecion ta miho pa problemanan cardiovascular, respiratorio y musculonan mas relaha. Cu yegada di Covid-19, ta masha importante movecion, pero hopi hende no sa kico ta e miho cosnan cu nan por haci pa nan curpa.

E asociacion kier sa con por yuda pa nan profesion bira mas grandi. Awo ta trahando riba nan limite. Mester mas di e profesionalnan, mas ainda mirando cu pueblo ta enveheciendo y e cantidad di tratamentonan cu nan por duna pa aña ta limita. P’esey a manda un lista di pregunta pa esnan cu ta participa den e proximo eleccion. Mas ainda, pasobra tin diferente hoben di Aruba cu ta finalisando nan estudio.

 

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.