fbpx
June 22, 2021

Plataforma Hoben(nan) Profesional: E modelo nobo di liderazgo

Share on facebook
Share on Facebook
Share on whatsapp
Share on Whatsapp
0
0
Plataforma Hoben(nan) Profesional: E modelo nobo di liderazgo
Plataforma Hoben(nan) Profesional: E modelo nobo di liderazgo


Plataforma hoben(nan) profesional tin como meta suministra comunidad cu informacion y conocemento relaciona cu diferente elemento esencial den nos comunidad. informacion y conocemento ta un instrumento util pa asina causa un impacto radical den bo propio bida y tambe den bo comunidad. E tema cu lo amplia y desaroya  ta relaciona cu un perspectiva nobo relaciona cu liderazgo. Den momento nan conflictivo cu ta bibando aden, mester lider(nan) pa ta protagonista y causa un impacto positivo.

Liderazgo ta un componente esencial den cada rango di nos sociedad. Un tema cu sigur no ta perde actualidad den e tempo conflictivo cu ta enfrentando. Tin un caracteristica cu tur protagonista den nos comunidad tin den comun cual ta e capacidad pa lidera. Tin diferente perspectiva relaciona cu liderazgo. E tarea asigna na nos ta pa evalua cua modelo of paradigma relaciona cu liderazgo ta eficiente alabes efectivo den e contexto actual di nos sociedad. E definicion di liderazgo segun autor James Autry ta e habilidad pa sirbi esunnan cu ta resorta bou di bo responsabilidad. Nos ta desea di ofrece un paradigma nobo relaciona cu liderazgo un cu no ta basa riba e perspectiva anticua di poder y dominio, ma un cu ta basa riba servicio na humanidad. Un articulo dedica na cada lider y ciudadano den nos comunidad.

Den nos sociedad mas cu nunca, tin e necesidad di persona(nan) di influencia cu ta inspira confiansa. Persona(nan) cu ta  un modelo pa sigui y alabes un fuente di inspiracion cu ta provoca un cambia radical di pensamento y actitud. Den esencia nos lider(nan) tin poder pa provoca un revolucion den cada persona den nos comunidad. Ta haya lider(nan) den cada sector di nos comunidad y ta nos meta pa reta cada lider pa hiba un liderazgo conforme e era nobo.

Un cambio den e paradigma di liderazgo ta urgentemente necesario den tur sector di nos isla. Ta papia di un cultura riba nos isla caminda ta bisa:” Cualkier cos cu ami ta bisa, asina e ta, of asina e mester ta” of “Ami ta manda”. Sin dialoga pa compronde e otro persona.

E dos frasenan aki tin hopi tin falta di clase y no mester ta parti di nos vocabulario. Lider y hefe ta dos cos diferente y ta hopi importante pa nos compronde e diferencia akinan. Un Lider no ta tuma credito pa trabou di otro, un hefe si. Un Lider ta traha hunto cu su team, un hefe ta bisa su team kico pa haci y laga nan haci e trabou.

Akinan nos egocentrismo ta cay den caminda pa hopi cos y por afecta nos tur. Esaki no ta refleha bon riba esunnan cu ta observando e situacion. Ta berdad cu bo por ta egoista den un area cu tur otro hende tambe ta egoista. Den un situacion asina tur hende ta ciego pa nan mesun egocentrismo. Mester un cambio drastico den e manera di liderazgo riba e isla, den e sector gubernamental y specialmente den e sector di hospitalidad. Hende a pone den posicion di liderazgo cu no ta cualifica, causando un atmosfera desagradabel pa e resto di e empleadonan. Nepotismo ta hunga un rol hopi grandi y empleadonan ta silencia y provoca na trabou door di nan supuestamente lidernan. Ora un empleado purba di expresa su opinion nan ta tuma e riesgo ta kita fo’i trabao. Cual no ta mustra bon pa ningun empresa. E pregunta ta:”kico por haci den e tipo di situacionnan aki?

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.