fbpx
June 22, 2021

Camara di Comercio: MEP a gana e prome debate electoral

Share on facebook
Share on Facebook
Share on whatsapp
Share on Whatsapp
+2
0
Camara di Comercio: MEP a gana e prome debate electoral
Camara di Comercio: MEP a gana e prome debate electoral


Durante e prome debate cu Camara di Comercio a organisa recientemente, a tene un encuesta via tur televidente y usuario riba nan pagina di Facebook. E gran mayoria ta haya cu MEP y su lider Evelyn Wever-Croes ta e politico ideal pa dirigi nos pais. Tambe nan ta haya cu MEP a gana e debate.

Manera a anuncia durante e prome debate dia 3 di juni ultimo, e encuesta general a keda habri den un forma di ‘encuesta despues di debate’ te cu dialuna 7 di juni pa 12:00pm, pa asina a duna e posibilidad na e personanan cu no a logra di vota e mesun anochi y pa ricibi mas feedback di comunidad despues di e prome edicion di debate 2021.

Riba e plataforma interactivo di Setar, cu a estrena durante debate 2021 a ricibi un cantidad di mas cu 7000 participante (usuario di e plataforma), unda cu e usuario por a haya acceso sea door di scan e QR code of via e link https://debate.kvk.aw.

E plataforma a enfoca riba un intercambio cu televidentenan ‘Live’ na cas, unda participantenan activo riba e plataforma por a sigi e secuencia di e debate y asina nabega di un tanda pa e siguiente tanda contestando varios pregunta den un periodo di tempo asigna.

E resultado final di e plataforma ta basa riba e participantenan cu tabata activo y cu a duna nan contesta riba e encuesta di 5 pregunta despues di tanda 3. Mas of menos mitar di e cantidad di usario di e plataforma a vota/contesta e preguntanan 1 te cu 5 di e encuesta despues di tanda 3.

Pa e siguiente debate lo laga e plataforma aki habri durante henter e debate, pa facilita tur hende pa vota na momento nan ta desea.

E resultado final di e encuesta di 5 pregunta despues di tanda 3 ta ilustra den e imagenan.

Mester menciona si cu riba rednan social hopi hende a keha cu nan no por a vota. Cu KVK a yega 7.000 voto ta keda un asunto hopi cuestionabel, specialmente cu nan no a yega ni mita di esey riba internet.

Share on facebook
Share on Facebook
Share on whatsapp
Share on Whatsapp
+2
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.