fbpx
June 22, 2021

Daphne Lejuez: ‘Utilizando energia renobabel lo reduci nos dependencia riba fossil fuels y costo di awa y coriente’

Share on facebook
Share on Facebook
Share on whatsapp
Share on Whatsapp
0
0
Daphne Lejuez: ‘Utilizando energia renobabel lo reduci nos dependencia riba fossil fuels y costo di awa y coriente’
Daphne Lejuez: ‘Utilizando energia renobabel lo reduci nos dependencia riba fossil fuels y costo di awa y coriente’


Mirando cu Aruba ta un isla bendiciona cu biento y solo tur dia, pero tambe ta rondona pa lama, nos tin condicionan faborabel pa sondea posibilidadnan di utilisa energia renobabel y di e forma aki reduci nos dependencia riba fossil fuels segun candidato number dos riba lista di Accion21, Daphne Lejuez.

Sra. Lejuez ta enfatisa cu prome lo mester cuminsa na haci un inventarisacion di nos plantanan nacional di awa y electricidad, como tambe e structura di Utilities y diferente board, pa wak con por streamline procesonan y reduci costo di operacion pa asina por pasa e reduccion aki pa e consumidor. E intencion di e plantanan nacional semper tawata pa por duna awa y coriente na un prijs pagabel pa e ciudadano.

Tambe, sra. Lejuez ta subraya riba e parti di converti e flota di auto di sector publico pa autonan electrico usando charging stations solar. Di e forma aki duna ehempel di con por contribui na uso di energia renobabel y reduci emision di CO2 riba nos isla. “Mester cuminsa na busca manera di reduci costo di vehiculonan pisa (manera Trucks and Vans) cu posibilidad di converti nan na gas natural of LPG. Accion21 ta kere cu nos mester tambe prepara e regulacion pa no perde den e posibilidadnan cu otro fuentenan di energía lo por brinda na nos isla,” sra. Lejuez ta splica.

‘Refineria no ta un opcion responsabel ni duradero’
Accion21 ta kere den brinda e espacio pa e negociacion cu Quantum y Eagle LLC, pero mirando cu den region refineria no ta un desaroyo cu ta wordo stimula, y sigur mirando e condicion di nos refineria, e lo no ta un opcion responsabel ni duradero. Den cuadro cu e acuerdo di Paris riba cambio climatico, cu 165 pais miembro a firma, y na unda Aruba a firma den nomber di Reino, sra. Lejuez ta subraya cu mester hustamente busca solucionan pa reduci emicion di CO2 den aire. Aruba ainda no a bay di acuerdo cu e ley di Reino pa ratifica e Acuerdo Climatico di Paris, “pero e lo ta den beneficio di Aruba mirando cu esaki lo por genera acceso na e “Green Climate Fund” cu ta un mechanismo/fondo estableci pa yuda “Small Island Development States (SIDS)” y otro paisnan mitiga e efectonan di cambio climatico,” segun sra. Lejuez.
‘Aumenta Posibilidad pa Produccion di Energia Renobabel’
Un otro factor pa tene na cuenta cu ne tambe segun sra. Lejuez ta pa aumenta generacion di energia distribui, bahando algun di e restriccionnan riba “net metering” (cuanto energia por wordo genera) pa cantidad di solar panels ariba daknan y aumenta facilidadnan pa financiamiento di solar panels pa tur Arubano por beneficia di e innovacionan global den energia. “Accion21 lo haci un evaluacion unda por ehempel FCCA lo por instala parke solar den forma di “parkeergarage” den un cooperacion cu habitantenan di casnan social pa di e forma aki yuda reduci gastonan di coriente. Di e forma aki lo por reduci nos uso di fossil fuels, y na mes momento crea posibilidad pa reduci e costo di awa y coriente den beneficio di e consumidor.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.