fbpx
June 22, 2021

SNBA: Prome Town Hall Forum tabata exitoso

Share on facebook
Share on Facebook
Share on whatsapp
Share on Whatsapp
0
0
SNBA: Prome Town Hall Forum tabata exitoso
SNBA: Prome Town Hall Forum tabata exitoso


Diamars, 8 di juni a tuma luga e prome ‘Town Hall Forum 2021’, cu tabatin como tema ‘The time for San Nicolas & pariba di brug is NOW!!’, cual tin cu menciona tabata uno hopi exitoso.

Esaki a tuma luga na EPB San Nicolas y a invita tur lider politico cu ta participa na e proximo eleccion cu lo tuma luga dia 25 di juni.

Segun Andres Hernandez, presidente di San Nicolas Business Association (SNBA), e resultado tabata loke nan kier a logra.El a enfatisa cu e forum no tabata un debate, sino ta preguntanan clave cu tin di haber cu pariba di brug y San Nicolas.

E idea tabata pa pueblo por tende di cada partido politico libremente, sin ta mara na un debate y kico ta e opinion riba cada un pregunta haci.

Segun Hernandez, e idea di tur esaki tabata pa duna un herment extra pa e habitantenan di pariba di brug por compronde un tiki miho of enfoca miho riba con e votacion mester bay proximamente.

SNBA: Prome Town Hall Forum tabata exitoso

SNBA: Prome Town Hall Forum tabata exitoso. Click link pa lesa mas https://24ora.news/2TdPsCT

Posted by 24ora on Wednesday, June 9, 2021

E ta agrega cu e logro a pasa y ta sinti hopi contento cu e forum a bay. No tabatin ningun discusion durante e forum y tur hende tabata liber di por papia extenso riba e plannan cu por tin of e accionnan inmediato cu nan mester tuma riba loke ta e desaroyo di pariba di brug.

Pa mas detaye lesa matutino TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.