fbpx
June 22, 2021

Doño di porco morto: “Polis a kibra dak di cas sin motibo”

Share on facebook
Share on Facebook
Share on whatsapp
Share on Whatsapp
0
-1
Doño di porco morto: “Polis a kibra dak di cas sin motibo”
Doño di porco morto: “Polis a kibra dak di cas sin motibo”


Recientemente City Inspector hunto cu polis a reparti multa na un criado di bestia na San Nicolas. Ta trata di Ruben Geerman, caminda cu polis y City Inspector a topa cu tres porco morto den su cunucu.

Geerman a admiti cu e porconan tabata morto for di januari ultimo caba. El a opta pa laga nan den cunucu mirando cu, si e yama Serlimar, nan ta cobr’e pa bay cu e porconan. Segun Geerman, nan a bis’e cu su porconan ta mal cuida, di cual e ta condena e ponencia aki. “Mi porconan ta bon comi”, asina Geerman a reacciona rib’e ponencia di tanto polis y City Inspector.

Polis a topa cu un porco di casi 300 kilo morto den e cunucu. Mas a leu Geerman a conta cu, pa su proximo dia polis a presenta y kibra dak di e cas di porco sin motibo. Despues di kibra e dak polis a bis’e: “bay drech’e awo si bo kier sigui cria bestia.” E cunukero ta lamenta e situacion, na 2011 el a haci denuncia ora a horta su bestianan, pero nunca polis a actua.

No obstante cu nan a bay cu e porco mortonan, pero a bay cu esunnan bibo tambe, e ta spera cu pronto e por haya su porconan bek y no den cura di un di personal di City Inspector of polis.

Share on facebook
Share on Facebook
Share on whatsapp
Share on Whatsapp
0
-1

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.