fbpx
June 22, 2021

E Debate: Millenials a haya un bista amplio riba politica

Share on facebook
Share on Facebook
Share on whatsapp
Share on Whatsapp
0
0
E Debate: Millenials a haya un bista amplio riba politica
E Debate: Millenials a haya un bista amplio riba politica


Diaranson anochi a tuma luga ‘E Debate’, caminda cu 10 politico a presenta y a trece nan punto di bista riba diferente topico.

E evento aki tabata organisa bao di iniciativa di un ‘grupo di enfoke’ di hobennan local, combina cu e team di produccion di e programa ‘Vota pa Ken’ y e team di ‘Xclusivo Magazine.

Esaki a tuma luga den Renaissance Conventer Center. Pa e anochi aki e tres presentadonan di e programa Vota pa Ken, esta Mauro Caralps, Samil Susebeek y Shark Gario, a fungi como anfitrion di e programa pa loke ta e representantenan di millenials y Jaqueline Wernet, hunto cu Atan Lee Jr. presentadonan di e programa Debate Virtual Xclusivo, a modera e parti unda cu e lidernan politico a debati.

Mauro Caralps, kende ta studiante na Universidad di Aruba y tambe anfitrion di su propio podcast yama ‘Selfmade’, tabata un di e anfitrion di e debate aki. El a comenta di ta sinti hopi orguyoso di e debate, mirando cu e mes tabata un persona introvert, cu na final tabata anfitrion di un evento publico. El a comenta cu el a keda contento cu e experiencia aki. Despues di e evento aki, esunnan cu tabatin e poder mas grandi pa influencia tabata e millenials cu tabata riba escenario. 

Loke cu Caralps a saca fo’i dje ta un miho opinion di ken e kier vota ken y ken no. Antes di e debate aki e no tabatin un bista cla, pero awo si e tine.

Un cos cu el a siña di e debate, ta cu presion ta yega na tur hende y durante e debate por a descubri esaki hasta cerca e politiconan mas bakia.

Samil Susebeek ta creador y anfitrion di ‘No Filter in Paradise’ como tambe anfitrion di Vota pa Ken. E ta conoci den e mundo di entretenimento y ta comenta di ta contento di a forma parti di e debate di diaranson anochi.

Durante anochi aki e por a scucha diferente opinion. E por a mira e diferencia tambe entre e millenials y e politiconan mas bieu. E ta sinti cu e millenials tin mente mas habri pa tin combersacion, siendo cu tin algun di e politiconan mas bieu cu ta wak topiconan na nan manera y ta keda mantene na esaki.

Susebeek ta cla pa vota y tin su top 3 den mente. E lo sigui e top tresnan aki y for di eynan e lo tuma su decision.

Di parti di Shark Gario, kende tambe tabata un di e anfitrionnan di e debate, a comenta cu el a sinti hopi great. El a comenta di a siña hopi di e debate. El a sinti cu esey ta loke cu pueblo kier a mira. Tabatin algun cos cu el a siña di e millenials cu e mes no tabata sa. 

Gario a comenta di tin su top 4 den mente. Por ultimo el a comenta cu ainda falta algun episodio mas di ‘Vota pa ken’. Despues e lo dicidi pa ken realmente e lo vota.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.