fbpx
June 22, 2021

Porcentahe di graduado na Colegio Arubano ta hopi satisfactorio

Share on facebook
Share on Facebook
Share on whatsapp
Share on Whatsapp
0
0
Porcentahe di graduado na Colegio Arubano ta hopi satisfactorio
Porcentahe di graduado na Colegio Arubano ta hopi satisfactorio


Colegio Arubano a duna di conoce na e 291 candidatonan di havo y 69 candidatonan di vwo, cu a haci examen den e prome periodo, ken a logra nan diploma.

Despues di e prome periodo, e cantidad di graduado pa havo ta 61% y pa vwo ta 70%.

E candidatonan pa examen cu no a gradua ainda, por haci examen den periodo 2, desde 14 di juni. Dia 2 di juli nan ta haya resultado.

E aña aki tabata posibel cu e candidatonan por a scoge pa haci examen durante dos periodo. Esaki a haci cu e porcentahe di graduado despues di e prome periodo ta mas abou. E candidatonan aki lo haci examen den periodo 2 y haci her den periodo 3. Di e alumnonan cu a haci tur examen durante prome periodo, e cantidad pa havo ta 79% y pa vwo 89%.

Resultado di examen di Colegio Arubano

Resultado di examen di Colegio Arubano

Posted by 24ora on Thursday, June 10, 2021

E resultado ta un compliment grandi pa tur e candidatonan y henter e personal di Colegio Arubano, cu a haci esaki posibel. A pesar di tabata pasando den un pandemia den un aña yen di incertidumbre, hunto nos a logra haci lo miho di dje.

Aña pasa, 300 candidato di havo y 92 di vwo a haci examen. Di esakinan, 58% di esunnan di havo a gradua y 72% di vwo a gradua despues di e prome periodo. 

Mas informacion: señora drs. Richelle Noël, conrector di klasnan di examen Colegio Arubano. E-mail: [email protected] 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.