fbpx
June 22, 2021

Santo Rosario na monumento di Inmaculada Curason di Maria

Share on facebook
Share on Facebook
Share on whatsapp
Share on Whatsapp
0
0
Santo Rosario na monumento di Inmaculada Curason di Maria
Santo Rosario na monumento di Inmaculada Curason di Maria


Diadomingo 13 di juni 2021 ta invita devotonan di Mama Maria pa un Santo Rosario cu oracion y canto na e monumento di “Inmaculada Curason di Maria na Sta.Cruz”.

Pa 6:00 pm lo cuminsa resa Santo Rosario, misterio Glorioso. Ban alegra Mama Maria resando rosario  cu e mes a siña nos via tres mucha inocente na Fatima. Ban resa pa planeta mundo cu poco poco  ta birando mas vulnerabel, oceano ta birando mas sushi, ta pisca y coy piscanan chikito, sin duna nan espacio pa nan procrea, mescos cu cangreu muhe cu ta yen di ‘cabituti’, no ta laga nan pro crea, p’esey nan ta caba na Aruba.

Temperatura di atmosfera  ta bira mas cayente. Nos por yuda! No solamente di piki desperdicio di otro, core un auto cu ta uza bateria of uza menos aparato di coriente, tur ta yuda! Oracion ta mas fuerte, no kere cu oracion ta envano, Hasta den silencio Dios ta scucha bo oracion humilde. Laga nos sigui resa y transforma como yiunan di Dios, pa  tur hende haya bendicion  y  resa pa esunnan cu no conoce balor di naturalesa. Haya den Cristo conocemento di Su Creacion cu t ‘asina sublime. Grupo di Oracion “Inmaculada  Curason di Maria ta reuni pa 6:00 pm na e Monumento di  Inmaculada Curason di Maria na Sta. Cruz. 

Ta resa pa 50 min. prome cu Santa Eucaristia di 7 or pm.  Laga nos resa pa muribundonan conoce Cristo den nan ultimo dianan.   Resa pa esunnan den exterior cu ta anhela nan recuperacion. Tin buki di oracion fl.5.= special pa resa na e monumento di Inmaculada  Curason Maria solamente un bes pa luna. Tur hende ta Bon Bini.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.