fbpx
July 30, 2021

Atrobe gobierno no ta cumpli cu veredicto di hues

Share on facebook
Share on Facebook
Share on whatsapp
Share on Whatsapp
0
0
Atrobe gobierno no ta cumpli cu veredicto di hues
Atrobe gobierno no ta cumpli cu veredicto di hues


Habitantenan di area Simeon Antonio por a tuma nota cu a instala un ‘windvaan/windsock’ na e T-kruising Chuchubistraat, Kas Paloma y Bucutiweg.

Director di DOW, ir. Marlon Croes a duna di conoce durante un conferencia di prensa riba 17 di juni 2021 cu e incinerator riba Parkietenbos ta cla pa opera, mirando cu segun Croes e ta cumpliendo cu locual hues a stipula den veredicto y tambe e condicionnan di e permiso di molester (hindervergunningsvoorwaarden). Den e permiso di molester (hindervergunning) a copia y inclui e contenido di veredicto como condicion cu gobierno mester mantene na dje ora di opera e incinerator. Pues e veredicto a bira componente integral di e permiso di molester (hindervergunning).

Contenido di e veredicto di 21 augustus 2020 K.G. nr. AUA202000307 ta inclui e.o.:

5.4 verbiedt het Land om na verkrijging van voormelde hindervergunning de incinerator al dan niet testmatig in werking/bedrijf te stellen indien ter plaatse niet een voor een ieder vanaf de Bucutiweg ter plaatse zichtbare goed werkende windvaan in de buurt van de uitlaat van de incinerator in de vrije wind is geplaatst en aanwezig is; 

5.5 verbiedt het Land verder om na verkrijging van voormelde hindervergunning de incinerator al dan niet testmatig in werking/bedrijf te stellen indien ter plaatse niet een voor een ieder vanaf de Bucutiweg ter plaatse zichtbare rode vlag uithangt als teken van het in al dan niet testmatig in werking/bedrijf zijn van de incinerator;

Hues a duna 4 condicion acumulativo en coneccxion cu e ‘windvaan’:

  1. E mester ta claramente visibel pa tur hende desde Bucutiweg y 
  2. E mester ta funciona bon y
  3. E mester ta den biento/aire liber y
  4. E mester ta den cercania di e exhaust di e incinerator.

Por a tuma nota con recientemente personal di Caribbean Trucking Company (CTC) tabata lucha cu e instalacion di e ‘windvaan’ memey di algun mata di mondi y mangel na e crusada menciona.

E realidad ta mustra:

  1. Un ‘windvaan’ cu no ta claramente visibel desde Bucutiweg 
  2. No a instala un ‘windvaan’ profesionalmente, sin tene cuenta cu normanan vigente pa instala windvaan, manera calibracion;
  3. Un ‘windvaan’ ubica memey di mata di mondi y mangel unda tin poco circulacion di biento/aire;
  4. Un ‘windvaan’ na un crusada no den cercania di e exhaust di e incinerator 

A base di punto 4.8.4. di e veredicto por conclui cu e sitio di e ‘windvaan’ y e incinerator ta mara na otro (condicion acumulativo). Pues no por ubica nan leu di otro.

4.8.4 Hierbij wordt nog overwogen dat het Gerecht zal bepalen dat iedere deurwaarder met dit vonnis in de hand vrijelijk toegang heeft tot de plaats waar de incinerator (en de windvaan) zich bevindt ter controle of die machine bij niet duidelijk aflandige wind en/of bij afwezigheid van bedoelde windvaan en/of bij afwezigheid van bedoelde rode vlag evenwel in werking is gesteld (en er dwangsommen worden verbeurd door het Land).

DWANGSOM Y TAMBE UN BOET DI KPA DOOR DI INCUMPLIMIENTO

Si gobierno no cumpli cu e veredicto via deurwaarder por pone un multa/sancion di pago (dwangsom) cu lo bay pa Stichting Rode Kruis. Sinembargo, considerando cu e veredicto ta forma parti integral di e condicionnan di e hindervergunning, un violacion di condicion lo nifica tambe cu KPA por duna un multa penal (boet) of castigo penal (encarcelacion). KPA ta encarga cu e control, supervision y cumplimento di e hinderverordening. Articulo 16 di e Hinderverordening Aruba (AB 1988 no. GT 27) ta stipula un boet di maximo 1.000 florin of un castigo di encarcelacion di maximo un luna si no cumpli cu e condicionnan den e hindervergunning. 

E conclusion ta mas cu claro: atrobe gobierno no ta cumpli cu e veredicto.

Tur cos ta mustra cu gobierno ta sigui chercha hues y tambe e ciudadanonan cu te dia di awe no a haya contesta cu motivacion riba nan obhecion entrega prome cu a duna e permiso en cuestion.

E falta di respet pa un veredicto, leynan y e ser humano ta mustra cu nos estado di derecho ta den peliger.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.