fbpx
July 30, 2021

Edgard Vrolijk (MEP): Mi a traha duro y awo mi destino ta den man di pueblo.

Share on facebook
Share on Facebook
Share on whatsapp
Share on Whatsapp
0
0
Edgard Vrolijk (MEP): Mi a traha duro y awo mi destino ta den man di pueblo.
Edgard Vrolijk (MEP): Mi a traha duro y awo mi destino ta den man di pueblo.


Na 2017 mi persona a haya e oportunidad di por a bira parlamentario p’e fraccion di MEP. Esaki tabata danki na tur mi votadornan (749) cu ta kere den mi persona como representante di Santa Cruz y sigur mi ta hopi agradecido y a sa di haci lo maximo posibel di e oportunidad brinda como parlamentario. Ora bo haya e oportunidad bo tin di haci lo maximo posibel den bo trabao y sigur den e oportunidad aki no solamente a cumpli cabalmente den mi trabao pero tambe a haci mas hopi posibel cu locual mi pueblo a pidi dimi.

Mi trabao como parlamentario

Den mi trabao como parlamentario mi a percura pa cumpli 100% cu mi presencia na trabao paso ta pueblo ta paga mi salario y sigur pueblo merece  respet. Banda di haci mi trabao manera debe de ser mi persona a traha riba dos ley grandi pa pais Aruba, cu ta e ley di financiamento di partidonan politico cu a bira un realidad y tambe e ley di screening di ministers y cu a ser rechasa pa AVP-RED y Daphne Lejuez y cu awe pueblo ta wak e importancia di e ley y awo pueblo ta exigi esaki. Banda di esaki a traha den e comision di Ombudsman y awo esaki ta un realidad. E reglement van orde nobo tambe ta cla y spera cu e proximo Parlamento percura p’e ser implementa.

Meneer Edgard a traha hopi duro

Meneer Edgard no a sinta cu man crusa den Parlamento of keda bati su boca grandi so. Ami a sa di percura pa bin cu e proyecto di E-leaning cu a ser implementa na Cacique Macuarima School, Cacique Aterima, Pastoor Kranwinkel y muy pronto St. Franciscus College. A cuminsa cu e proyecto adopta un scol y unda cu Laura Wernet-Paskel a bira e prome scol y asina a crea speransa. Y sigur a percura pa iluminacionan den barrionan di Santa Cruz, mehoracion di infrastructura entre otro caminda na Angochi, Coba Lodo, Warawara, Papilon y si no ta pa Covid awe mas bario manera Ayo, Sabanilla Abao, Jan Flemming , Cas Ariba lo tabatin nan caminda na ordo. Y sin conta e proyectonan deportivo manera ilumincacion pa Caravel, Frontgate di Sv Estrella y sigur e super miniveld na Centro di Barrio Santa Cruz.

Meneer Edgard a hiba un campaña humilde

Mi persona a hiba un campana hopi humilde. Mi pensamento personal ta cu dimension di eleccion mester cambia y sigur e pandemia di Covid a laga hopi hende den situacion dificil. Pa es motibo mi a haci uzo di un cantidad di sticker limita y flyers. A yega ora pa pueblo bira mas conciente con nan ta vota. E escogencia ta keda na pueblo pa sigui escoge esnan cu mas material of esun cu mas vision y cu a demostra di por traha di berdad pa pueblo.

Diabierna awo mi ta pidi pueblo pa sali tempran y haci uzo di nan derecho di voto y sigur haciendo e mihor escogencia p’e futuro di Aruba. Mi persona ta honra di por a sirbi mi pueblo como parlamentario y diabierna awo mi ta den man di pueblo completo pero specialmente di mi barionan di Santa Cruz unda nan kier wak Meneer Edgard e biaha aki. 

Un invitacion special ta bay na mi sostenedornan pa yega na mi Cede na Coba Lodo pa 1:30pm p’asina hunto cu mi persona nos sali 2:00pm rumbo pa Club Estrella unda cu mi persona lo haci uzo di mi derecho di voto.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.