fbpx
July 30, 2021

Elliott ‘Lefty’ Loonstra Haciendo Historia

Share on facebook
Share on Facebook
Share on whatsapp
Share on Whatsapp
0
0
Elliott ‘Lefty’ Loonstra Haciendo Historia
Elliott ‘Lefty’ Loonstra Haciendo Historia


Aruba Para Taekwondo ta haciendo historia un biaha mas den mundo di deporte. Elliott “Lefty’ Loonstra hunto cu su coach Luciano Mazzeo a logra gana su luga pa e weganan Paralympico di Tokyo 2020 +1 cu ta oficialmente confirma door di IPC (International Paralympic Committee) y CPA (Comite Paralympico Aruba).

Taekwondo lo debuta pa prome biaha den e weganan Paralympico na Tokyo 2020 +1 y tambe na Paris 2024 y Los Angeles 2028. A inclui taekwondo a inclui na e Tokyo 2020 +1 na 2015 siendo un deporte asina jong y na 2005 e World Taekwondo Federation (WT) a crea e comite di Para Taekwondo cu e esfuerso di desaroya y promove Taekwondo entre atleta nan cu tin deshabilidad nan fisico.

Na Aruba e inicio oficial di Para Taekwondo tabata na 2018 ora cu Elliott Loonstra a cuminsa cu su training bou guia di e maestro Luciano Mazzeo cu e obhetivo di participa na e debut di Para Taekwondo na e weganan Paralympico na Tokyo, Hapon.

Tokyo 2020 +1 lo tuma luga di 24 di augustus pa 5 di september 2021. Esakinan a pospone pa un aña pa motibo di e pandemia y e edicion aki lo ta sin publico presente como medida di prevencion y tecnologia di ultimo generacion lo uza pa un miho transmision di television, online y tambe participacion di fanatico den e diferente rednan social.

Pa Para Taekwondo lo participa 72 atleta di 36 pais den 6 categoria; 3 pa hende muhe y 3 pa hende homber di cual cada un cu 12 atleta cu lo tuma luga e dianan 2, 3 y 4 di september 2021. E ultimo dia aki Elliott ‘Lefty” Loonstra lo competi den e categoria di hende homber cu peso di mas di 75 kg. E paisnan competiendo pa e gloria lo ta Aruba, Costa Rica, Croacia, Merca, Gran Britania, Iran, Kazakstan, Libia, Maroco, Mexico, Turkia y Rusia.

Elliott ta e prome atleta pa Para Taekwondo di Aruba, un medayista internacional cu 1 medaya di plata y dos di brons di cual un di nan el a gana durante e Pan American Games di Para Taekwondo.

Despues di mas di tres aña di trabou duro, dedicacion y specialmente cu e apoyo di famia Loonstra e obhetivo  di participa na e weganan Paralympico a wordo logra, demostrando cu dedicacion y esfuerso ta duna su fruto.

Tokyo 2020 +1 lo ta e di dos biaha cu Elliott lo ta e unico atleta representando Aruba den weganan di tal magnitud cordando cu na 2019 tabata e debut di Para Taekwondo na e ParaPan American Games cu a tuma luga na Lima, Peru. Aki tambe Elliott a participa den e categoria K44 +75 kg.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.