fbpx
September 21, 2021

Partido CURPA ta lamenta fayecimento di nan cofundador

Share on facebook
Share on Facebook
Share on whatsapp
Share on Whatsapp
0
0
Partido CURPA ta lamenta fayecimento di nan cofundador
Partido CURPA ta lamenta fayecimento di nan cofundador


Partido CURPA a haya e tristo noticia cu Elaine Geerlings cofundador di partido CURPA a fayece na Surinam. Un persona cu a stima su pais Aruba y e muchanan cu e tawata duna les di Ingles na dje na huishoudschool, JFK y EPB.

E tawata gusta yuda hende y duna un man. E tawata gusta naturalesa y lama, sigur tawata disfruta di esakinan na Aruba. Tambe e tawata stima bestia y cua cu pasa cerca dje na cas sea un pushi, cacho of parha semper e tawata tin algo di come pa nan. Tambe e tawata gusta core cabay, un deporte cu e tawata stima. Dia cu a lanta CURPA Geerlings sin pensa dos biaha a contribui cu e gastonan di notario y a keda insisti cu esaki. E tawata gusta comparti cu hende sin pidi algo a cambio bek.

Un persona humilde y semper cla pa yuda. Un persona para firme den e palabranan di Dios. Su si semper tawata un si y su no semper un no. P’e Dios tawata na prome luga. Despues di a baha cu pensioen a dedica su tempo na su mayornan, su dos yiunan y nieta. Diariamente a sigui profundisa su mes mas ainda den e palabranan di Dios.

Nos y Aruba a perde un gran persona den Elaine Geerlings y e lo keda semper graba den nos pensamentonan. Cu un dia nos tur lo topa bek den e Reino di Dios. Forsa na famia y nos por ta sigur cu Señor lo a bisa Elaine e palabranan cu semper Elaine lo kier a scucha un dia cu ta: “Well done thou good and faithful servant”. Cu Elaine Geerlings sosega na paz cerca Señor.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.