fbpx
July 30, 2021

Van a pega tras di auto lagando ocupante cu dolor na nek

Share on facebook
Share on Facebook
Share on whatsapp
Share on Whatsapp
0
0
Bus a dal tras di March causando daño
Bus a dal tras di March causando daño


Awe mainta pa mas of menos 10:40 am a sosode un accidente na Savaneta entre un auto marca Nissan modelo March color blanco, numera A-8018 y un bus marca Hyundai tambe color blanco, numera A-10379.

Di un manera of otro, probablemente pa un descuido, e bus a dal tras di e auto Nissan March, causando basta daño na e bahul. E impacto tabata asina fuerte cu por lo menos e ocupante den e Nissan March, tabata keha di dolor.

Polis cu a yega prome na e sitio, mesora a pidi pa presencia di ambulance na e sitio. Ey paramediconan di ImSan a brinda cuido na e victima. A splic’e ki remedi e mester busca y cu e por bay su dokter di cas despues, den caso cu e dolornan no bay.

Polis di trafico tambe a presenta na e sitio di desgracia pa tuma dato y pa traha un rapport cu despues e companianan di seguro por uza tambe. Manera ta conoci, ora cu tin herido den un accidente, ta yama polis pa atende. Accidentenan sin herido y cu ta considera como accidentenan simpel, ta bay pa e companianan di seguro mes atend’e na e sitio mes. Te awo e proceso ey ta bayendo exitoso y eficiente.  

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.