fbpx
July 30, 2021

Descripcion igual por pone bo perde bo libertad

Share on facebook
Share on Facebook
Share on whatsapp
Share on Whatsapp
0
0
Discripcion igual por pone bo perde bo libertad
Discripcion igual por pone bo perde bo libertad


Diamars mainta tabata tin un persecusion den e area di Eagle Beach. Durante e persecusion un chauffeur a perde control dal den troncon. E auto a kibra hopi. Dos persona a core bay y dos a keda atras. Despues cu nan a keda bisa cu ta lift nan a haya, polis a laga nan bay. Despues cu polis a laga nan bay a topa cu un arma di candela mas pariba bou di un auto.

E persona cu a core bay probablemente a benta e arma ora cu el a huy na pia. A confisca e arma. Ora cu tur cos a caba tabata tin un homber conoci di polis cu tabata eybanda. E descripcion ta similar.

E chauffeur cu a core na caminda a tira pechi y shirt afo. E conoci di polis a yega den cercania cu mesun tipo di carson y lomba afo. Polis a reacciona mesora mirando su actuacion sospechoso. A bay riba dje y detene e momento ey. A bay cu ne warda pasobra a sospech’e di ta e chauffeur cu a huy y hasta benta arma afo.

Finalmente despues di investigacion e sospechoso deteni no tabata e persona cu a accidenta y huy. Nan a lag’e bay bek den libertad un rato despues. Den e caso aki yega den forma sospechoso y cu descripcion similar por causa detencion sin cu bo kier of ta envolvi.

Awor e otro dosnan cu a keda atras y cu polis no a detene lo wordo busca bek despues cu a topa cu e arma di candela scondi bou di e auto. E foto aki ta e sospechoso deteni na Eagle Beach cu descripcion di e chauffeur y despues a recobra su libertad.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.