fbpx
July 30, 2021

Na un forma special WCA a honra e miho graduadonan di 2021

Share on facebook
Share on Facebook
Share on whatsapp
Share on Whatsapp
0
0
Na un forma special WCA a honra e miho graduadonan di 2021
Na un forma special WCA a honra e miho graduadonan di 2021


Pa hopi aña caba, durante luna di juli, Women’s Club of Aruba (WCA) ta honra e miho graduadonan di tur tipo di scol secundario.

E aña aki e ceremonia a tuma luga riba diasabra 10 di juli 2021 na Aruba Surfside Marina, estilo “walk through”. A tene consideracion cu distanciamiento social. A invita e miho graduadonan den tres grupo, y musica tabata na encargo di DJ Rafa. Tabata Norma Brinkenberg, Presidente di Women’s Club of Aruba, hunto cu Paul DeWolfe, General Managing Director di Caribbean Mercantile Bank, durante e evento a haci entrega di plakaat y e otro premionan na e miho graduadonan di pais Aruba. Presente na e ocasion aki tabata minister di Enseñansa dr. Rudy Lampe y demas invitadonan special. 

Esunnan cu a ricibi honor tabata: MAVO 7 vak: Justin Bremo ; MAVO 6 vak: Richella Petronia, Niveau Doorstroom (Oranjestad): Jerrel Erasmus, Niveau Uitstroom (San Nicolas): Jordwayne Orcadio, Niveau Arbeidsmarkt (Oranjestad): Natalie de la Rosa Gonzalez, Avond MAVO Aruba (SAA): Shomara Anastacia. Pa Colegio EPI tin 5 graduado. Den Unit Ciencia y Tecnologia (Bouwkunde): Victor Fingal, den Unit Economia (Financiële Administratie): Stepahnie Boekhoudt, den Unit Hospitalidad y Turismo  (AS): Juan Fernandez Rudas, den Unit Hospitalidad y Turismo  (AAS):Nyree Riera, den Unit Salubridad y Servicio: Alejandra Kransen.

E mihor graduado den SPO ta Rood- Kenley Emilcent (SPO Sta Cruz), di Avond HAVO (SAA) André Maduro, di International School of Aruba (ISA) Kirti Nathani.

E mihor graduado di VWO ta Nicolle Vigil Muñoz, di HAVO ta Mendy Liang y di e Politie Opleidingsinstituut ta Maurice Violenes. Riba e anochi, Eliana Marcela Arguello, miho graduado di EPI Hospitalidad y Turismo  di aña 2008, a duna un testimonio di su experiencianan y a manda un mensahe positivo pa nos miho graduadonan.

Nos ta gradici e directiva di tur scol secundario pa a facilita nos di WCA cu tur informacion necesario y tur mayor of familiar pa a apoya nan yiu. Women’s Club of Aruba (WCA) ta hopi gradicido tambe na tur e comerciante- y instancianan, cu a coopera pa haci e evento aki posibel y pa duna cada graduado un regalo hunto cu su premio.

Palabra di gradicimento ta bay na tur miembro cu a yuda, principalmente na e Comision di Student Awards consistiendo di Greta Williams, Emperatriz Perdomo, Saida Aguilar, Bernadette Schouten, Rita Grant, Astrid Berlinsky, Reina Geerman, Mary Droogh, Angèle Geerman, Dulcie Goedgedrag, Ursly Silberie (MC), Marjorie Dijkhoff, Marva Solagnier y Milagros Posner. E comision aki a duna tur di nan parti, pa haci e evento aki bira asina special pa e miho graduadonan di nos pais.

Por ultimo, WCA ta felicita nos miho graduadonan, kendenan a completa nan estudio cu excelencia durante e temporada dificil di COVID-19! 

Fotonan pa cortesia di Emperatriz Pedomo

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.