fbpx
July 30, 2021

Bon actuacion di Jeremy Dijkhoff den e Junior Pan-American Weightlifting Championships na Manizales

Share on facebook
Share on Facebook
Share on whatsapp
Share on Whatsapp
0
0
Bon actuacion di Jeremy Dijkhoff  den e Junior Pan-American Weightlifting  Championships na Manizales
Bon actuacion di Jeremy Dijkhoff  den e Junior Pan-American Weightlifting  Championships na Manizales


Di 9 pa 16 juli 2021 a tuma luga e campeonato Junior  Pan American Weightlifting Championships n’e ciudad di Manizales, Colombia.

E evento aki ta clasificatorio pa e Weganan Panamericano Hubenil cu lo tuma luga e aña’ki na Cali, Colombia.

Pa Aruba a biaha e atleta Jeremy Dijkhoff cu ta hisa den categoria di 96kg y como entrenador Walter Llerena.

Esaki ta bira e prome competencia internacional di e atleta Jeremy pa e aña’ki. Jeremy cu a sigui cu su trainingnan durante di e pandemia a bay bon prepara.

Den categoria di Jeremy tabata tin 13 atleta fuerte di e Continente Panamericano den e competencia Jeremy ta logra den su hisadanan den snatch ta hisa 110kg, clean & jerk 135kg pa un total di 245kg cu e total aki Jeremy ta kibra su propio record di Aruba cu un progreso di 35kg total den categoria di hubenil Sub-17. Cu e resultado aki Jeremy ta termina na di 12 luga.

Ganado den e categoria di 96kg a resulta medaya di Oro a bay pa Colombia, Medaya di Plata pa Ecuador y Brons pa Mexico.

Aruba Amateur weightlifting Association kier a manda palabra di  gradicimento na Comite Olimpico Arubano y Setar NV cu a cubri e gastonan di participacion na Junior Pan American Weightlifting Championships na Manizales, Colombia y palabra di felicitacion na atleta Jeremy Dijkhoff cu a kibra su record cu 35kg y entrenador  Walter LLerena.

 

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.