fbpx
July 30, 2021

Corte Supremo di Inglatera lo bay dicidi riba 32 ton di oro di Venezuela

Share on facebook
Share on Facebook
Share on whatsapp
Share on Whatsapp
0
0
Corte Supremo di Inglatera lo bay dicidi riba 32 ton di oro di Venezuela
Corte Supremo di Inglatera lo bay dicidi riba 32 ton di oro di Venezuela


E caso legal largo entre Nicolas Maduro y Juan Guaidó riba kende por dicidi riba destino di 32 ton di oro Venezolano deposita den Banco di Inglatera diaranson a wordo poni pa sentencia den Corte Supremo Britanico.

“Nos a haya un trabou hopi pisa. E lo tuma nos algun tempo pa analisa tur e argumentonan y emiti nos huicio,,” Presidente di Corte, Lord Robert Reed, a bisa riba e di tres y ultimo dia di tratamento di e caso.

Apesar cu e cinco huesnan a programa cuatro dia di audiencia den e caso hopi tecnico huridicamente, basa riba interpretacion di ley, sin experto ni testigonan, pa diaranson ya caba a scucha tur e argumentonan.

“Den e fase aki nos no sa ainda ki tempo e sentencia lo ta, pero normalmente e lo por ta algun luna despues di e tratamento,” un vocero di Corte a comenta.

E huesnan a scucha abogado di ministerio Britanico di Relacionnan Exterior reafirma cu gobierno ta reconoce  Guaidó como presidente encarga di Venezuela. Maduro en cambio no ta wordo reconoci ni pa su maneho na Venezuela ni riba plano intencional,” Sir James Eadie a bisa.

Por lo tanto, e abogadonan di e lider opositor a bisa cu un tribunal Ingles no tin hurisdiccion pa cuestiona nombramentonan haci door di dje, aunke cu esakinan a wordo declara invalido door di husticia di Venezuela.

Despues di autoproclama su mes presidente encarga y reconoci como tal door di medio centenar di pais, Guaidó a nombra na juli di 2019 su mesun direccion banda esun di Banco Central di Venezuela.

E nombramentonan aki mesora a wordo declara invalido door di Tribunal Supremo Venezolano, leal na Maduro. Pero esey no a strob’e di dirigi su es na Banco di Inglatera afirmando di ta e representante legal di e pais y pidi nan pa no entrega gobierno e baranan di oro, balora na mas di mil miyon dollar, cu ta bon custodia.

Abogadonan di Gobierno Bolivariano a haci esfuerso grandi pa persuadi e huesnan cu e caso aki ta esencialmente un asunto intero di Venezuela, unda cu e poder de facto, nan a bisa, ta den man di Maduro.

Un aña pasa, un hues di asuntonan comercial di Londen a stroba gobierno Chavista di tuma posesion di e oro, cu nan a bisa mester di nan pa combati pandemia di coronavirus.

Pero e tribunal di apelacion Ingles a anula e decision aki na october, considerando cu gobierno di Boris Johnson de facto no por reconoce e poder di Maduro, cu cual gobierno e ta sigui mantene relacion.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.