fbpx
July 30, 2021

DIMP: Ochentidos porciento di plach’i number ta paga

Share on facebook
Share on Facebook
Share on whatsapp
Share on Whatsapp
0
0
DIMP: Ochentidos porciento di plach’i number ta paga
DIMP: Ochentidos porciento di plach’i number ta paga


Fecha final pa paga plach’i number ta yegando, cual ta dia 2 di augustus proximo. Falta mas of menos 13 dia mas pa e fecha yega.

E fecha final pa ley ta dia 30 di juni. Pero gobierno a duna su aprobacion pa por a extende e periodo cu un luna mas, caminda tur hende por a haya mas espacio pa por a completa e pago, Meverly Romano, vocero di Departamento di Impuesto (DIMP), a bisa. Awo, segun e cifranan cu tin, mayoria a haci pago si. 

Tin 89.240 vehiculo di motor registra y 62% di e total aki, a haci pago completo di aña 2021. Binti porciento a paga e mita, faltando 20% pa paga e otro mita, cual ta un total di 13.427 number no tin pago riba nan, representando 15%. Si mira e cumplimento pa 2021, tin 82% cu na e momentonan aki a cumpli. Esunnan cu a paga e prome mita di aña ainda no por bisa cu nan ta non-compliant, pasobra e fecha final no a yega. Pero manera cu 3 di augustus yega y no haci pago, e ora si nan ta bira non-compliant.

Pa cobertura mas amplio, lesa e edicion di TREMPAN awe.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.