fbpx
July 30, 2021

Formado: Prome biaha cu e veld social ta haya asina hopi atencion y inversion

Share on facebook
Share on Facebook
Share on whatsapp
Share on Whatsapp
0
0
Formado: Prome biaha cu e veld social ta haya asina hopi atencion y inversion
Formado: Prome biaha cu e veld social ta haya asina hopi atencion y inversion


E di 5 dia di reunionnan cu varios stakeholder en conexion cu formacion di Gabinete Wever-Croes II a continua diaranson. Diferente tema a wordo trata na unda cu varios den nos comunidad a haya oportunidad pa duna nan punto di bista y pensamento riba loke e proximo gobernacion entre MEP y RAIZ mester tene cuenta cu ne. 

Riba e tema di social a hiba discusionnan extenso principalmente riba e Sociaal Crisis Plan y e Family Justice Center. Tabata tey presente un delegacion di profesional den e area aki pasobra ta hopi importante pa keda adresa e retonan social cu tin na Aruba. A pone un enfoke special riba abuso sexual especialmente di muchanan. 

Prome Minister demisionario mr. Evelyn Wever-Croes a enfatisa cu lo tin mas reunion riba e tema aki den e siguiente dianan. Sociaal Crisis Plan desde 2018 a haci hopi na unda cu a cuminsa cu hopi programa y proyecto. A pone un total di Awg. 26 million disponsibel y esaki ta prome biaha cu e veld social ta haya asina hopi atencion y inversion. 

“Aworaki nos ta saliendo for di Covid cu poder di Dios. Nos ta purbando di domina e aumento cu tin aworaki di e variante Delta pero nos mester cuminsa domina e problemanan social despues di COVID. Den esaki e team di experto riba tereno social ta trahando di un forma structural pa wak con pa atende”. 

Family Justice Center ta un ehempel di un instancia cu a wordo crea pa atende specialmente cu e tema di abuso sexual di muchanan y con pa mesora atende cu e victima y e denuncia y pruebanan y cuminsa cu e recuperacion di e victima y su famia. 

“Mi a keda asombra pa e presentacion y bo por wak cu nan tin un pasion grandi pa nan trabou cual ta pone mi sinti trankil cu nos ta riba e bon caminda pasobra nos tin e veld importante aki di tema social den man di esunnan cu realmente tin amor p’e”.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.