fbpx
July 30, 2021

Gobierno di Aruba ta condena destruccion di naturalesa

Share on facebook
Share on Facebook
Share on whatsapp
Share on Whatsapp
0
0
Gobierno di Aruba ta condena destruccion di naturalesa
Gobierno di Aruba ta condena destruccion di naturalesa


Recientemente ta bolbe tuma nota di imagennan cu ta circula caminda cu ta ilustra cu personanan no ta respeta naturalesa. Mester enfatisa cu e ta prohibi pa ley pa core riba duinen y santo blanco rond Aruba.

Prome Minister Evelyn Wever – Croes lo reuni cu Cuerpo Policial, Ministerio Publico, Bureau City Inspector, Dienst Technische Inspectie y Departamento di Transporte Publico, pa atende cu e problema aki.

Ta enfatisa cu e acto aki ta inaceptabel y condenabel pues lo mira ki esfuerso mas por wordo haci mas pronto cu ta posibel pa para e abuso aki contra nos naturalesa. Teniendo na cuenta cu e area aki ta cay bou di e areanan di naturalesa protegi. Banda di esaki lo encarga un comision pa conhuntamente cu e ATV’s y UTV’s, yega na un acuerdo pa uzo di un ruta alternativo sin cu ta destrui naturalesa di e forma aki.

Mester recorda cu e doño di e permiso ta esun responsabel pa instrui turistanan pues lo atende cu esunnan concerni pa e acto iresponsabel aki. Por ultimo, Prome Minister ta haci apelacion na comunidad pa ta mas consciente y duna un man pa hunto cuida nos naturalesa.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.