fbpx
July 30, 2021

Randolf Laclé ta candidato pa Presidente di AVB

Share on facebook
Share on Facebook
Share on whatsapp
Share on Whatsapp
0
0
Randolf Laclé ta candidato pa Presidente di AVB
Randolf Laclé ta candidato pa Presidente di AVB


Awenochi e clubnan miembro di AVB, lo eligi un presidente nobo. Tin un total di 5 candidato, incluyendo e presidente actual, Richard Dijkhoff. Un di e otro candidatonan ta Randolf Laclé, cu sigur ta un persona hopi conoci den e mundo di futbol tanto na nivel local como na nivel internacional. Randolf Laclé tin un trayectoria di 25 aña. Randolf Lacle a forma parti di Directiva di Juventud Tanki Leendert pa 9 aña largo di cual 5 aña como president, Randolf Lacle tabata den directiva di LIFIDA pa 7 aña largo, ocupando e puestonan di e.o. competitieleider, secretario general y vice-presidente. Na aña 2003, Randolf Laclé a bira miembro di directiva di AVB, di cual pa 10 aña tabata den e puesto di secretario general y for 2015 pa 2018 el a fungi como competitileider di tur divsion y alavez tabata encarga cu e Club Licensing.

Door di su trayectoria e por conta riba conocemento amplio di tur e reglamentonan di futbol tanto local como internacional. Su funcion di e.o. FIFA Match Commissioner y Concacaf Coordinator ta pone cu e tin un netwerk grandi, di personan den e mundo di futbol internacional.

Desde aña 2019, Randolf Laclé, den cuadro di Club Licensing tabata den contacto directo cu e clubnan ya ripara cu e disancia entre AVB y e clubnan ta birando mas grandi y cu e prioridadnan den cierto casonan ta robes. Y cu clubnan no tabata haya oído. Riba dje directiva poco poco ta wordo hala un banda. A pesar di tur propaganda y publicidad, por nota cu tin desaroyonan cu no ta positivo. Pesey lo pone prioridad na e siguiente puntonan.:

Introduci mecanismonan di control (cu Kascommissie y Comision di Etica)
Pone un limite di periode cu por postula pa President (y si ta necesario pa directiva tambe)
Mehora e infrastructura di futbol den su totalidad
Evalua plannan cu ta andando. Y pone enfasis riba uso efectivo di AVB su fondonan (evita malgastamento di plaka).
Sondea posibilidad pa organisa campeonato den un sistema mas atractivo, pa aumenta generacion di fondo
Mehora comunicación interno, Directiva mester funciona como un team y no mas como un one-man show.
Haci mihor uso di expertonan local, pa evita malgastamento di plaka
Tin mas puntonan cu mester atende cu nan, pero semper tur lo wordo trata den consulta y comunicación cu directiva, staff y otro stakeholdernan. Futbol na Aruba NO ta di un solo persona. Randolf Laclé semper a keda mantene contacto cu e clubnan. E feedback di e clubnan na caminda pa e eleccion di presidente di awenochi ta sumamente positivo. E decision final ta den man di e clubnan.

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.